Cinîya awankerdoxe her wext kedkar a

2017-10-22 10:45:33


	 

	Lîlav Elî

	 

	EFRÎN -  Cinîya bi nameyê Kurdistan Şemyo semedê ekonomîya xo serê lingan de verdo, bi kedêke giran dikan de xebityena.

	 

	Cinîya bi nameyê Kurdistan Şemyo (32)  semedê ekonomîya xo serê lingan de verdo, dikanêke qij de xebityena. Cinîya awankerdoxe eynî wextî de karê keyeyî, ramitiş û bi weykerdişê çar domanan dir eleqedar bena. Kurdistane û domanê xo bajarê Helebî de cuyayne, wexto ke DAÎŞî hêrişê cayê înan kerdî verê xo dayî mintiqaya Efrînî. Dewa kurzêlî girêdayê mintiqaya Efrînî semedê lazimîyê xo û domananê xo yê cuyayîşî bi ca bîyaro kede dana.

	 

	Cinî bi kede xo giranî her wext serê lingan de bimano

	 

	Kurdistane dîyar kerde ke cinî her wext bi zulm û zordarîyan dir rî bi rî mendê, la kede cinîyan ê giran her dem pîroz a û wina va: "Dimayê ke ma bajarê Helebî ra ameyî Efrîn ekonomîya ma baş nêbî. No semed ra mi dikanêke qij akerd, semedo ke lazimîyê keyeyê xo bikerî û lazimîyê mi kesî ra nêmano. Çunke cinî bi kede xo yê giranî her wext serê lingan de mendê û her wext do serê lingan de bimanê."

	 

	Ez acis bena la semedo ke îhtiyacîye mi kesêke bîn ra çin ya, kêfweş a

	 

	Kurdistane dewamê qalîkerdişê xo de wina va: "Ez serê sibe saete 08:00 de dikanê xo akena û heta saete 4ine verê dikanî de manena û şan de zî yena karê keyeyî kena. Ez acis bena la semedo ke îhtîyacîye mi kesêk bîn ra çin ya kêfweş a."