Îdarekarê hepisxaneyî resimê Zehra Dogane îmha kerd

2017-10-21 12:43:51


	 

	AMED - Rojnameger û nîgarkêş Zehra Dogane ke hepisxaneyê Tîpê E yê Amedî de hepsîya, resimê ke xêz kerdibi, hetê îdarekarê hepisxaneyî ra ame îmhakerdiş. Hacetê resimî, tuval û boyaxê aye zî wextêke dergo nînê dayîş.

	 

	Rojnameger û nîgarkêş Zehra Dogane ke hepisxaneyê  Tîpa E yê Amedî de hepsîya, resimê ke aye xêz kerdibî hetê îdarekarê hepisxaneyî ra ame îmhakerdiş.

	 

	Zehra ke waşt resimê ke xêz kerdo bido pîyê xo, hetê gardîyan ra ame desteserkerdiş. Zehra ke resimê xo ra bi hewtan zanayîş nêgirewte, dimayê ke îdarekarî ra pers kerd musa ke ameyo îmhakerdiş.

	 

	Malzeme nînê dayîş, rojname kena tuval

	 

	Zehra bi mektubêke dîyar kerde ke demêke derg o malzemyê resimî nînê dayîş û va îdarekarê hepisxaneyî bi însiyatîfê xo no qerar dayo û va halo ke dozgerî ra destûr bigîro zî destûr nîno dayîş.

	 

	Zehra da zanayîş ke aye rojnameyan sey tuval xebitnena û va rengan ra zî qeleme, werd û şimitiş xebitnena.

	 

	Edîtora JINHA ke bi KHK amebi padayîş, Zehra Dogane semedo ke resim û xeberanê xo derheqê pêrodayîşê Nisêbînî amîbî hukmkerdiş û hezîranê 2016 de amebî tepiştiş. Zehra 5 aşmî ra dima amebî tehlîyekerdiş û  Hezîranê 2017 de reyna amî tepiştiş û berdî hepisxaneyê Tîpê E yê Amedî.