Rijnayîşê Sûr û Fîskayayî: Wazenê ke xete nasnameyî çin bikerê 

2017-10-17 13:10:14


	 

	Şehrîban Aslan

	 

	AMED - Rijnayîşê Sûrî dewam keno û nika Fîskaya zî bi rijnayîşî dir rî bi rî yo. Parlamentera HDPî yê Amedî Sîbel Yîgîtalpe dîyar kerde ke wazenê xete nasnamebîyayîşê Amedî çin bikerê û wina va: "Rastîyê şarê Kurdî ê xoverdayîşî esto. AKP zî no vîneno, wazeno uca ageyrno warê rant û bazirganî. Heto bîn ra zî wazeno kulturê ci çin bikero."

	 

	Qezaya Sûrî yê Amedî bi îlankerdişê îdarekerdişê xoserî ra 6 taxî ameyî çinkerdiş û nika Alîpaşa û Lalabey de dewam keno. Hemwelatî bi qerarê ke keyeyê xo terk nêkerê û dewlete bi zor keyan veng kena. Taxe Fîskayayê Yenîşehîrî zî bi qerarê peynî de bi rijnayîşî dir rî bi rî yo. 

	 

	Parlamentera HDPî yê Amedî Sîbel Yîgîtalpe polîtîkayê rijnayîşî ê Kurdistanî şîrove kerde û va: "Zulmo en girs şarê Kurdî rê ame kerdiş. La çîyêke bê vurnayîş nêmend. Do tîya ra tepya çîyêke bêro vurnayîş nêmend.

	 

	Hemverê polîtîkayê dewlete têkoşînê Kurdan

	 

	Sîbele dewam de nê çî ardî ziwan: "Nêzdîyê hemverê Sûrî fotografê nêzdîyê hemverê Kurdan o. Wexto ke merdim Sûr ra ewnîyeno, pratîkê dewlete ê hemverê Kurdan yeno vînayîş. Wexto ke merdim Fermanê Şark Islahatî ewnîyeno heme çî meydan de yo. Mabêne de seserre derbaz bi çîyê ke ameyê kerdiş meydan de yê. Nêzdîbîyayîş nêvuryayo. Hêriş dewam keno. Hetêk bîn esto no zî vurnayîşê Kurdan o. Bi desan rey rastê hêrişan ame. La têkoşînê xo dewam kerd."

	 

	"Do xeta ke Amed keno Amed çin bikerê'

	 

	Sîbele dewam de nê çî vatî: "Sûr de 6 taxî çin kerdî. Nika zî 2 taxê bînan rê danê piro. Fîskaya zî mîyanê planê rijnayîşî de ca gêno. Taxê Alîpaşa û Lalebey zî ameyê merheleyê peynîyê rijnayîşî. Aşmêk verî qerarê rijnayîşê Fîskaya heyetê wezîran ra derbaz bi. Winî eyseno wazenê xeta ke Amed keno Amed do çin bikerê."