Sazgehê cinîyan ameyî padayîş, ê neweyî zî emanetê camêrdan ê!

2017-10-17 11:41:23


	 

	Şîlan Ozhan

	 

	SÊRT - Dimayê ke qayûm tayînê şaredarîyê DBPî bî dima ra hukmatî sazgehê cinîyan pada. Qayûm tayînê şaredarîya Sêrtî bi û Merkezê Şêwirmendîyê Cinîyan ê Berfîne vurna û bi Mudirîyê Kulturî ke mudirê ci camêrd o, girê da.

	 

	16ê Teşrîna peyîne 2016 de Hemşaredarê Sêrtî Tuncer Bakirhan ame tepiştiş û dima ra qayûm ame tayînkerdiş. Senîn qayûm ame qezencê cinîyan çin kerdî.

	 

	Mudirê Merkezê Şêwirmendiyê Cinîyan ê Berfîne, Pervîn Akyureke û 4 xebatkarê cinî merkez ra ameyî îxrackerdiş. Dima ra Merkezê Şêwirmendîyê Berfîne ke xebatê atolye û butçe aîdê ci bi, statuyê mudirî ra vet û bi Mudirê Kulturî rê girêda. Enyî wextî tabelayê 'Merkezê Şêwirmendiyê Cinîyan ê Berfîne ard war û şey 'Merkezê Cinîyan' vurna.

	 

	Cinî kuçeyan de endîşeyînê

	 

	Sêrto ke xeylê muhafazakar o cinî bi endîşeyînê ke vejîyê kuçeyan û hem warê karî de hem zî nokteya bîyayîşî de zehmetî ancenê. Cinî semedê camêrdan verê dikanan de nişnê ro, nêeşkenê rayîra şêrê û hetê mêrdanê xo ra rastê şîdetî yenê. Cinîyan merkez ra piştdayîş girewtêne la êdî nêeşkenê şêrê uca zî.