QSDî keyeyê Nîroz Îsa xelisna 

2017-10-16 12:20:06


	 

	Sorgul Şêxo 

	 

	REQA - Nîroz Îsa pêwa wayê û birayê xo bi destê QSD ameyî xelisnayîş. Hamleyê xelisnayîşî Reqayî ewro kono roja 136ine. Hamle bi heme xidarîyê xo dewam keno. DAÎŞ zî rojê xo yê peyîn cuyeno û îradeyê ey ameyo şiknayîş. Heto bîn ra bi hezaran sivîlî zî destê çeteyan ra yenê xelisnayîş. Xeylê sivîlîke birîndarê zî cuya xo vinî kerdî. Ewro zî hêzê QSDî keyeyî Nîroz Îsa xelisnayî.

	 

	Nîroze, eslê xo dewa Kobanî ra ya. Keyeyê Nîroze semedê halê ekonomî derbazê bajarê Reqa bîyê. Nîroze, maye û waye xo cuya xo Reqa de dewam kerdêne. La bi derbazbîyayîşê DAÎŞî dir rojê zaf bi dej û elem derbaz kerdî. Maya Nîroze, wayê û 2 birayê aye semedê gulevarnayîşî teyeran cuya xo vinî kerdî. Nika Nîroze, wayêke û birayêke xo mendê.

	 

	Nîroze, hîkayeya xo wina vana: "Semedê ma her rojêke sey serran ameyne, ez mêrdeyê xo, wayê û birayê xo Reqa de bî. DAÎŞî ma ra vatêne: 'Tîya ra şêrê, ma do keyan û dêran mayîn bikerê' Ma uca ra şî taxa Mişlibî la ma uca ra vetî. Dima ra ma uca ra zî vetî. Dima ra ma verê xo taxe Seyîf el-Dewlî ma uca de zî rastê DAÎŞî ameyî. En peynî taxe Bedûyî hêzê QSDî ma xelisnayî."

	 

	Tebervejîyayîşê teberî û qiseykerdişê Kurdî qedexe bi!

	 

	Nîroze wina dewam kerde: "Verê serrêke çeteyê DAÎŞî wexto ke kewtî taxêke sey "şirtayê"  taxêke leşkerî bi. Serê siba de teyerayî uca topvaran kerdî maya mi û 3 wayê û 2 birayê mi cuya xo vinî kerdî. Ez û waya xo û birayê xo tena mendî. Ma qet nêeşkayne bi Kurdî qiseybikerê. Vejîyayîşê teberî qedexe bi. Heme cayan mayîn dabî ro. Semeod ke ez mendebîya DAÎŞî mi ra va, 'şo zere ti hêvîye kamî ya? Ti hêvîye xenzîran a."

	 

	Nîroze dewamê qalîkerdişê xo de nê ç vatî: "Semedo ke kesê mi nêmendibi verê 5 rojan ez bi yewê erebî dir zewicyawa. Nika zî mêrdeyê mi û maya ey ê zî ameyî xelisnayîş, ma qet bawer nêkerdêne ke rojêke ma bêrê xelisnayîş."

	 

	Nîroza ke Tebqa de cuyena nameyêke pîyê xo rê eşrawit. Name de hîsê xo winî ard ziwan: "Wa vengê mi şêro pîyê mi, maye, wayê û birayê mi. HEmine cuya xo dayî, ez tena menda. Mi waştêne ke ewro ê zî ma dir bê û ma kêfweşîya xo pare bikerê, bibermê, bihewê."

	 

	Nîroze cilê xo yê sîya serê xo ra eşt û va: "Êdî ez nê cilê sîyan serê xo ra erzena. Êdî nêwazena tarî de bicuyî. Ez nika tarîtî ra azad bîya, roşnê cuyayîşî vînena."

	 

	Peynî de semedê hêzê QSDî Nîroze, wayê û birayê xo xelas kerdî, spasîyê xo hêzê QSDî rê kerdî û wina va: "Ercê vatişî yo ke hemleyê fermandar Ednan Ebû Emced dewam keno û Reqa bendeyê mijdîyanê xelisnayîşî yo."