Cinî hemverê zor û zehmetîyan dest herrî ra vera nêdanê

2017-10-13 14:11:33


	 

	Fîlîz Zeyrek

	 

	MÊRSÎN - 6 cinîyê Kurdistanî koçê Mêrsînî kerdê, bi hesretê herre xo çîyan çînenê. Verê heme zor û zehmetîyan bi heskirdişêke pîl herrî ser xebitîyenê.

	 

	6 cinîyê Kurdistanî koçê Mersînî kerdî sera awankerdî û mewsîmê germ ê Çukurovayî de her çiqasa qasê heqê kede xo nêgîrê zî, destê xo herre ra nêancenê.

	 

	6 cinîyê eynî keyeyî ra yê 15 serrî koçê taxe Adanalioglu yê qezaya Akdenîzê Mêrsînî kerdî seraya awan kerdî sebze û fêkîyan berardiş kerdî. Cinîyê binpêkerdişê kede karkaran mewsîmî dî, alternatîfê xo awan kerdî.

	 

	Cinîya bi nameyê Belkis Onate 23 serrî ke Sasonê Êlihî ra koçê Mersînî kerdî, dîyar kerdî ke verê bi keyeyî berardiş kerdêne û va: "Semedê halê ekonomî mi mektebe ra fek vera da û emrê qij de serê erdan de ez xebityaya. Mi serê herre bi berekete ê Kurdistanî de xebate kerda. Semedê tedeyan ma koç kerd. Nika ma seraya xo de xebityenê."

	 

	Ma heskerdişê xo danê herre'

	  

	Mizgîn Onate zî wina va: "Her siba ma saete 06.00 de wiştî û heta 19.00 şanî xebityenê. Semedê karî ma zêdeyê wextî tîya derbaz kenê. Karê ma sebr wazeno. Ma heskerdişê xo danê herre. Vayîye dermanê ramitişî zaf bîyê zêde. Ma berardişê xo halê sebzeyan de bi vayîyêke kêm roşenê."

	 

	Fîlîz Onate maya di domanan zî va wextê serayê înan keye de verdena û wina va: "Ma zaf karê xo ra hes kenê. Semedo ke ma pereyê xo qezenç kenê ma kêfweş ê. Çukurova zaf germ a. Semedo ke ma binê naylonan de xebityenê zaf germ o."

	 

	Fatma Onate zî dîyar kerde ke cinîyan cuya xebate de nîno vînayîş û va: "Semedo ke aye herrî dir eleqedar bena xo zaf rehet hîs kena."