Hemserekê komunan: Ma sînorê koletî bi fikrê Rayber Apo rijna

2017-10-10 13:02:59


	 

	Kawenda Hîlalî

	KOBANÊ - Hemserekê cinî yê komunan ke dimayê weçînayîşî ddest bi xebate xo kerdî, kar û xebate xo ser şîrove kerdî: "Ma sînorê koletî bi fikrê Rayber Apo rijna, îradeyê cinîya azad şorişê  Rojawan de serkewt."

	Xoverdayîşê şorişê rojawanê Kurdistanî de, têkoşînê leşkerî yê QSDî, mîyan de şorişê cinîyan, şorişê ziwanî serê esasê newe ra awankerdişê bi fikir û projeyê netewê demokratîk yê Rayber Apo bi serkewt. Sîstemê Federasîyonê vakurê Sûrîye ke Îdeolojîya Rayber Apo tesdîq kenê, semedo ke temamê şarê Sûrîye bi ziwan û nasnameyê xo bicuyê, gamo yewin bi weçînayîşê komunan sîstemê neteweyê demokratîk bi ca ard. Têkilîyê babete hemserekê komunan kar û xebatê xo yê dimayê weçînayîşî şîrove kerdî.

	'Ma bi vengê azad ameyî weçînayîş'

	Maya Alîya Remzî hemsereka komuna Ş. Agirî derheqê xebatê xo de qisey kerde û va: "Wexto ke rêjîmê Baasî îqtîdar bi, Sûrîye de cinî ameyne pelçiqnayîş û komelî de wayîrê vatişî nêbî. Labelê bi şorişê rojawanê Kurdistanî dir, bi fikrê Azadîya cinî ke Rayber Apo vet meydan, ewro cinî heme waran de bi hawayoke serkewte ca gênê. Semedo ke ma bi vengê azad ameyî weçînayîş, ma do goreyê bawerîya komelê xo têbigeyrê û kar û xebate xo dewam bikerê. Eynî wextî de ma do çareserî problemê komelî rê bivînê."

	'Îradeyê cinîya azad bi ser kewt'

	Hemsereka Komuna Ş. Xebat maya Edul Silêman zî derheqê xebata de şîrove kerde û va: "Dimayê weçînayîşî ma dest bi karê xo kerd. Bi heme hêzê xo, ma beşdarê xebate bî. Bi îradeyê ke ma serekî ra girewt, ewro ma problemê komelê xo çareser kenê û destek danê cinîyê ke binê zulm û îşkence de yê."

	Maya Edule bi nê vatişan peynî qiseykerdişê xo ard û va: "Bi hetkarîya cinîyan karê ma serkewte dewam keno. Ma sînorê koletî şikna, îradeyê cinîya azade şorişê Rojawanî de bi serkewt. Ma xo rêxistin kerdo. Wezîfeyê ke ma temamê cinîyan bi rêxistin bikerê, kono serê milê ma."