Xeyalê domanê Kobaniyijan û kayê înan

2017-10-10 12:12:47


	 

	Gulan Botan 

	KOBANÎ- Kuçeyê Kobanê de sergerra azadî yeno pîrozkerdiş û vengê domanan ê kuçeyan bi kayê bê sînoran konê verê objektîfanê ma.

	Sergerra azadkerdişê Kobanî û Mînbîcî kuçeyan de yeno pîrozkerdiş. Şarê ke çeteyê DAÎŞî ra xelas bîyê, cuyayîş newe ra rêxistin kenê. Ê ke xeyal û hêvîyê înan qet nêameyê îşgalkerdiş doman ê. Beno ke bajarêke bêro îşgalkerdiş, rijnayîş la îşgalkerdişê xeyalê domanan zehmet o.

	'Layê gangoleke ma bê sînor o' 

	Her cayê Rojawanî verê awankerdişê neweyî de, rêçê şerî hema bi temamî nêameyê pakkerdiş. Têlê dîrekê ceyranê keyeyan ke dimayê şerî ginayê warî ro, erd de yê. Domanî her ca de weşîkîye cuyayîşî danê mojnayîş, kayanê xo zî dewam kenê. No semed ra zî her layê ke kewtê warî, benê layê gangoleke. Domanî qîrenê 'layê gangoleka ma bê sînor a'. Belkî zî hetê en weş domanî zî no yo.