Cenazeyan rê testê DNA nînokerdiş 

2017-10-10 12:02:01


	 

	MÊRDÎN –Qezaya Nisêbînî ya Mêrdînî de cayê ke pêrodayîşî tede qewimîyayî de înşaatê TOKÎye yenî viraştiş û heta nika ewja ra 8 cenazeyî ameyî vetiş. Cenazeyê ke tewr peynî ameyî vetiş 3 nêweşxane bedilnayî û 15 rojî yo ke morg de yenî vindarnayîş. Nîno zanayîş ke testê DNA yê nê cenazeyan yeno viraştiş an nê.

	Nisêbîn de xoverdayîşê xoserîye ra dima taxê ke tede pêrodayîşî bîyî de bi aşman o înşaatê TOKÎ dewamkenî. Her çiqas ke şar qebul nêkeno, reyna zî viraştişê înşaatan dewam keno. Heta nika pêropîya 8 cenazeyî binê înşaatan ra ameyî vetiş.

	Tewr peynî hewteyêkî vere cenazeyê kî ameybî vetiş û dima ra ame musayîş ke cenaze aydê Abdullah Akî ya. Cenazeya Abdullah Akî ke erşawîyaye Qoser, nînozanayîş ke netîceyê testê ci yê DNAye key vejîyeno.

	Melumato ke heta nika çimeyanê herême û keyeyî ra ameyo girewtiş, cenazeyi ewil erşawîyenî Nêweşxaneyê Dewleteyê Nisêbînî. Çend saetî ra dima dozger rapor nuseno û cenaze erşwîyena Nêweşxaneyê Dewleteyê Mêrdînî. Wexto ke cabibo, cenazeyî morgê nê nêweşxaneyî de manenî, labelê eke canêbo, cenazeyî erşawîyenî Nêweşxaneyê Dewleteyê Qoserî. Cenazeyî herinda ke bi hawayo lez bêrî definkerdiş, nizdîyê 15 rojan zî ewja de yenî vindarnayîş.

	Cenazeyî 15 rojî yenî vindarnayîş

	Badê 15 rojan cenazeyî bi vatişê ‘testê ci yê DNAye amekerdiş’ cenazeyi erşawîyenî Riha û bêxebera keyeyan cenazeyî goristanê bêkesan de yenî definkerdiş. Wextê morgî yan zî wextê testê DNAye de nîno zanayîş ke raybazêko senîn yeno meşnayîş. Çimkî çi îdareyê nêweşxaneyî û çi zî xebatkarî ti melumat nêdanî. Nika 48 cenazeyî ke hema nêameyî teşhîskerdiş estî. Zafaneyê nînan Riha, Stenbol, Mêrdîn û Amed de goristananê bêkesan de yenî definkerdiş. Keyeyî hetê dozgerî ra bivatişê ‘netîceyêDNAye senî dîyar bibo, ma do cenazeyan bidîşima’ yenî mijûlkerdiş û heta nika 28 cenazeyî nêameyîdayîş.

	Ma do fek veranêdî

	Babete ser o keyeyîvatî ‘dewlete verê kişena, dima ra seba kateyan ma mijul kena’ û wina dewam kerdî: “Kurd rê heme çî meşrû yeno dîyayîş. Ma do heta ke cenazeyanê xo bigîrî, fek waştişê xo ra veranêdî. Ma do heta ke mezelêkî domanê mi bibo, nêvinderî. Wa fek mijulkerdişîra verabidî. Heta ke ma cenazeyanê xo nêgirî, ma qirika înan veranê danî.”