Beroşê aşûreyî semedê parekerdişê hêvî girnenê

2017-10-07 11:12:42


	 

	DÊRSIM - Beroşê aşûreyî serê nameyê aşitî û biratî ameyî awankerdiş, dest bi girnayîşî kerdî. Çîlem Kuçukkeleşe dîyar kerde ke aşûre temsîlkarîya cuyayîşê pîya dir, ê merdimê kultur û bawerîyê cîya yo.

	Verê ke Îmam Huseyîn Kerbela de bêro qetilkerdiş, dimayê rojeyê aşma Muharremî de ameyne girewtiş dima ra şorbaya aşûrî bi coş û kelecan ameyne viraştiş û parekerdiş. Dimayê qirkerdişî yê tarîxî de manaya ke şorbaya aşûrî ameyne barkerdiş vurya. Aşûre dimayê no tarîxî, semedê vîrardişê kesê ke Kerbela de cuya xo vinî kerdî û 12 îmaman rê ame viraştiş. Aşûre de 12 çîyê cîya estê û di rojê peyînan de dimayê roceyê Muharremî nika dest bi viraştişê ci ame kerdiş.

	Endama Komîsyonê Bawerîyan ê HDPî Çîlem Kuçukkeleşe dîyar kerde ke aşûre temsîlê cuyake zafkulturî yê Rojhelato mîyanîn a.

	Çîleme nê çî vatî: "Dêrsim de xoza bawerîya şarî de zaf girîng a. Tîya de veşnayîşê darêke, veşnayîşê merdimîke yo. Tîya de qedexekerdişê herre, qedexekerdişê heme çî yo. No komel zaf şikya. Hêrsê înan pîl bi. Reyna parekerdişê aşûre yeno manaya hêvî û moral."