
Serê adirî de balîcanê ke benê sûr zimistanî rê benê amade

2017-10-03 11:27:13


	&nbsp;

	AMED - Bi nêzdîbîyayîşê zimistanî, Kurdistan de amadekarîya cinîyan semedê zimistanî dewam keno. Şahîbe Gerçeke 50 serrî, semedê amadekarîya zimistanî werdê bi nameyê "helîsa" meydanê kuçî de, serê adirî de viraznena.&nbsp;

	&nbsp;

	Amedo ke bi hezaran serrî şarê Kurd, Tirk, Armenî, Suryanî, Yahudî, Eren têmîyan de cuyenê, no semed ra kulturê werdî xeylê dewlemend o. Tewirê werdê adetîyê Amedî helîsa, cinîyê Amedîyijan rê werdê sereyîn o.

	&nbsp;

	'Ma balîcanê mewsîmî ra viraznenê'

	&nbsp;

	Şahîbe Gerçeke (50) ard ziwan ke vernê de semedê amadekarîya zimistanî balîcanê ke bazar de gêna û girîngî dana tezebîyayîşê înan û wina va: "Sebzeyê ke mewsîmê înan derbaz bîyo, wişkbîyayîş û qelnayîş nîno viraştiş tehmê înan xira beno." Şahîbe va ke amadekarîyê zimistanî semedo ke sebze û fêkîyê ke nînê vînayîş bi no amamcî viraznenê û hetê weşî ser zî hîna baş ê.

	&nbsp;

	'Verê amadekarîyê zimistanî rez û baxçeyan de ameyne kerdiş'

	&nbsp;

	Şahîbe ard ziwan ke amadekarîyê zimistanî şîya verê maya xo ke Sûr de cuyena bi cinîyê taxa dir pîya kerdê û wina vana: "Semedo ke ez sîte de nişnena ro, nêeşkena adirê kolîyan bifînî ta. Baxçeyê sîte de amadekarîyê zimistanî sey verê kêfî nîyê. Zîhnîyeto ke ma betonan rê kerdo mehkûm, no semed ra rijnayîşê Sûrî viraştê."

	&nbsp;