Nuştoxe Fatma Îzol: Semedê silamanê Îmraliyî ez sipasdar a

2025-04-18 09:18:42


	 

	Derya Ren

	RIHA-Nuştoxa kitabê ‘Îlahe ra ver bi Homa Kurdî’ Fatma Îzol dîyar kerd ke aye paradîma azadîya demokratîk, ekolojîk û cinî esas gêna û va, pêvînayîşê vernîya roşanî yê Îmraliyî de Rayberê Şarê Kurdî Abdullah Ocalanî aye rê mesaj şirawito û va: “Ez semedê silamê ke Îmraliyî ra ameyê spasdar a.”

	 

	

	 

	Rayberê Şarê Kurdî Abdullah Ocalanî ke 15ê Sibata 1999ine de Îmrali de binê şertê tecrîdê giranî de yeno tepiştiş, bi paradîgma azadîya ekolojîk, demokratîk û cinî de cuyêka newe misoger keno. Bi paradîgmaya ke ameya awankerdiş, tarîxê cinî newe ra yeno nuştiş. Kitabê ‘Îlahe ra ver bi Homa Kurdî’ Fatma Îzol ke rolê tarîxê cinî yeno destgirewtiş, weşanê Aramî ra vejîya. Fatma Îzol da zanayîş ke aye paradîgma Rayberê Şarê Kurdî Abdullah Ocalanî esas gêna û xebatanê cinîyan kena û va, pêvînayîşê  31ê adare yê Îmraliyî ke Mehmet Ocalan û Omer Ocalan kerdo, Rayberê Şarê Kurdî Abdullah Ocalanî aye rê silam şirawito.

	 

	Cigêrayîşê tarîxê cinî

	 

	Fatma Îzol proseso ke têkoşînê cinî de ca girewta qal kerd û va: “Ez 2012ine de dewaya KCK’yî ra ameya tepiştiş. Prosesê zîndanî sey perwerdeyê unîversîta pênase kena. Mi kitabanê birêz Ocalanî wendî û mi dî ke erce dano cinîyan. Wexto ke mi xebatanê xo kerdêne, mi dî ke xebatê derheqê cinîyan de kêmî yê. Derheqê nê de ez zî hetê xo ra fikrîyaya. Mi xebatanê xo waşt ke Birêz Ocalanî dir pare bikerî. Mi mektube nuşte. Nuşteyê mi hetê Birêz Ocalanî ra pozîtîf ameyî vînayîş û silam mi rê şirawitêne. Ey xebatanê mi erjaye vînayîne.”

	 

	Silamê Rayberê Şarê Kurdî

	 

	Fatma Îzol wina va: “Demo ke mi xebatanê xo kerdêne, mi xeylêk çimeyan ra feyde girewt. Kuranê Kerîmî ra heta Încîl, Tevrat ra heta Avesta mi feyde girewt. Mi kitabê sîyasî wend. Mi erjê Birêz Ocalanî ra feyde girewt. Agahîyê xeylêk muhîmî yê derheqê cinîyan ke vernîya cinîyan akerdebî, estbî. Kitabê mi resayo Birêz Ocalanî û pêvînayîşê peyîn yê keyeyî silam şirawito. Ez semedê silamanê ey sipasdar a.”