‘Bi komplo dinyaya ma, asmênê ma ame tarîkerdiş’

2024-10-09 10:02:46


	 

	Neslihan Kardaş-Rabia Onver

	 

	WAN - Cinîyan reaksîyon vera komployê mîyanneteweyî yê hemverê Rayberê PKKyî Abdullah Ocalanî mojna û vatî: “Komployî, dinyaya ma, asmênê ma tarî kerd. Birêz Abdullah Ocalanî seba aştîye de israr kerd û hemverê şeî de bî, hemverê ey komplo pê ardî.”

	 

	Komployê mîyanneteweyî 9ê teşrîna verêne 1998ine de hemverê Rayberê PKKyî Abdullah Ocalanî ame destpêkerdiş, kewt serra 26ine. Abdullah Ocalan ke 26 serrî yo Îmraliyî de binê tecrîdî de yo, 4 serrî yo tu xebere ci ra nîna girewtiş. Bi wesîleya serrgêra 9ê teşrîna verêne reaksîyonê hemverê komplo û tecrîdî pîl benê.

	 

	Cinîyan derheqê komployî de fikrê xo ardî ziwan.

	 

	‘Yewin kesê hemverê şerî Birêz Abdullah Ocalan o’

	 

	Hemsereka Partîya Têduştî û Demorkasî (DEM Partî) Gulşen Kurt da zanayîş ke dinya de bi taybetî zî  Rojhelatê Mîyanên û Kurdistanî de hawirê şerî est o û wina vat: “Ma pêro zanê ke yê ke hemverê nê şerî de yo, şer nêwazeno Birêz Abdullah Ocalan o. Sebebê pêameyîşê komployî zî israrê Abdullah Ocalanî yê aştîye de yo û fikrê ey yê aştîye bî. Nê hetî ra pêro kesê hetê huqûq, edalet, heq û hemverê şerî ganî hemverê komployî de reaksîyonê xo bimojnê.”

	 

	‘Komplo dinyaya ma tarî kerd’

	 

	Hemsereka DEM Partî ya Tuşbayî Fatma Erbaga zî 9ê teşrîna verêne sey roja sîya pênase kerd û wina vat: “Komployê hemverê Birêz Ocalanî dinyaya ma, asmênê ma sîya kerd. Abdullah Ocalan seba aştîye yewin çareserî yo. Eke azadîya ey yê fizîkî pê bêro, do xeylêk çî bêrê çareserkerdiş.”

	 

	‘Komplo hemverê pêro şarê kurdî de pê ameye'

	 

	Endama meclîsê şaredarîya Rêya Armûşî Macîde Varhan zî wina vat: “Bi armancê vernîya şarê kurdî bêro padayîş, no komployî kerdî. Ma komplo şermezar kenê. Ez tecrîdo ke yeno kerdiş, şermezar kena. Sebebê tecrîdî oyo ke Birêz Ocalanî ra tersenê. Beno ke fîzîkî tepişte bo la zerrî û fikrê xo ma dir o. Ez reyke bîn tecrîd şermezar kena.”