Hemverê hêrişê kurdan de çalakîya roniştişî

2024-09-27 15:30:25


	 

	 

	 

	WAN - Dayîka Aştîye Zekîye Kaya çalakîya roniştişî ke hetê Meclîsê Dayîkê Aştîye ra seba reaksîyonê hemverê hêrişê ziwanê kurdî ser o dewam keno de qisey kerd û vat: “Hêrîşê ziwanê ma ser o, ne exlaqî û ne zî adilane yê. Ganî her kes destê xo bido wijdanê xo ser û nê hêrişan ra vajo êdî bes o."

	 

	Meclîsê Dayîkê Aştîye yê Wanî hemverê destbendkerdişê xeylêk mamoste û xebatkaran de 24ê êlule de Amed de netîceyê sereştişê sazgehê ziwanê kurdî de Komeleya Kultur û Hunerî yê ARSÎSA çalakîya roniştişî kerdî. Çalakî temamê roje dewam kerd, îdarekarê bajarî û qezayanê ê Partîya Herêmê Demokratîke (DBP) û Partîya Têduştî û Demokrasî yê Şaran (DEM Partî), Têgêrayîşê Cinîyanê Azadan (TJA), xebatkarê kovara Jineolojî, Komeleya Huqûqnasanê Azadan (OHD), MEBYA-DER û TUHAY-DER û xeylêk kesî tewrê çalakî bîyî. 

	 

	'Hêrişê ziwanê ma ser exlaqî nîyê û meşrû nîyê'

	 

	Endama Meclîsê Dayîkê Aştîye Zekîye Kaya ke beşdarê çalakîye bî, dîyar kerd ke ganî her kes ziwan û kulturê xo bipawê û vat: “Ziwanê kurdî ziwanê ma yê dayîke yo û tu kes nêeşkeno ziwanê ma biqedêno. Ma wazenê her kes hemverê nê de vengê xo berz bikero. Hêrişê ziwanê ma ser exlaqî nîyê û adil nîyê. Ganî her kes destê xo bido wijdanê xo ser û nê hêrîşan ra vajo êdî bes o."