Eleqeyê seba stûnanê bazaltî yê Sêwreg de ameyî vînayîş zêde yo

2024-09-26 10:09:42


	 

	 

	RIHA - Sêwreg de stûnê bazaltî yê xebata rayîrî de ameyî vînayîş, hetê kesê ke yenê serdayîşê herême ra eleqeyêk pîl vînenê.

	 

	Serê herra Kurdistanî ke hetê tarîxê merdimayî ke xeylêk çîyê mûhîmî est ê, roj bi roje kifşê neweyî yenê vînayîş. Rihayo ke Gobeklî Tepeyê xo seperneno 12 hezar serrî verê tarîxî û taîrx de berêk newe akerd, kifşêk newe ame kerdiş. Xebatê şaredarîye yê serê rayîrê Sêwreg-Kolîkî yê bejayîyê 31 kîlomtreyî de, stûnê bazaltî ameyî vînayîş. Stûnê ke xebata rayîrî de zirar dîyî, dimayê mamosteyêk fotografê înan ant û şirawit unîversîteya Dîcle û Harranî, înan ser o cigêrayîş ame destpêkerdiş.

	 

	Mîrasê jeolojîk

	 

	Yeno texmînkerdiş ke nê stûnî 2 yan zî 5 mîlyon serrî verê awan bîyê û dimayê ke stûnî ameyî vînayîş, xebatê rayîrî ameyî vindarnayîş. Yeno dîyarkerdiş ke stûnê bazaltî volkanê Qerejdaxî ra awan bîyê û serê rayîrê koyê Nemrutî û gelîyê Takoranî yo. Stûnê ke ameyê vînayîş bi taybetî ameyê formkerdiş. Stûnî sey "mîrasê jeolojîk" yenê binamekerdiş û kêmî yenê vînayîş. Nê semedî ra eleqeyêk pîl vînenê.

	 

	Kerdî binê pawitişî

	 

	Herêma ke hema cigêrayîş dewam keno, stûnî eleqeyêk pîl vînenê. Pêwa nê hetê mudûrîyê Derûdor, Bajarwanî û Îklîmî yê Rihayî ra dimayê ke cigêrayîş ame kerdiş, stûnê bazaltî kerdî binê pawitişî.