Koalîsyonê Cinîyan ê Yemenî reaksîyon vera Hûsîyanî mojna

2024-09-25 15:04:16


	 

	 

	MERKEZÊ XEBERAN - Koalîsyonê Cinîyan ê Seba Aştîye ya Yemenî, venga NY û sazgehê navneteweyî kerd ke hemverê binpaykerdişê hetê Hûsîyan ra yenê kerdiş berpirsyarîyê xo ca bîyarê.

	 

	Koalîsyonê Cinîyan ê Seba Aştîye ya Yemenî, vera hedîseyê ke herêmê binê kontrolê Husîyan de demê pîrozbayîyê Şorişê 26ê Êlule de vejîyayî û tepiştişê bi keyfî û bi zorî vînîkerdişê kesan, bi eşkerayîya çapemenîye reaksîyon mojna. Eşkerayî de ame dîyarkerdiş ke tepiştişê keyfî yê merdiman û vînîkerdişê înan, binpaykerdişê huqûqê mîyanneteweyî û binpaykerdişê heqê merdiman o û wina vat: “Eynî wextî de binpaykerdişê heme ercê merdimî, dînî û qebîleyan o.”

	 

	Eşkerayîye de wina ame vatiş:

	 

	“Ganî asayîşê tepişteyan bibo û vera ke şertê îtirazî bibo, serbest bêrê veradayîş. Ganî Hûsîyî fek tehdîdkerdişê ciwananê sivîlan vera bidê, zulm înan rê nêkerê û înan ra dûr vinderê. Perpirsîyarê netîceyê nê binpaykerdişan Hûsî yê. Ganî fek kerdişê hemverê huqûqê mîyanneteweyî, heqê merdiman, azadîya fehmî, fikrê verbayê fehmî vera bidê. Konseya Asayîşî ya Neteweyê Yewbîyaye û sazgehê mîyanneteweyî ganî hemverê nê binpaykerdişan berpirsyarîyê xo ca bîyarê û seba sivîlanê Yemenî Hûsiyan ra bipawê, çareserîyê bi tesîr bivînê.”