
Hûmara destbendkerdeyan zêde bî

2024-09-24 15:48:40


	&nbsp;

	&nbsp;

	&nbsp;

	MERKEZÊ XEBERAN - Polîsan Amed, Qoseraê Mêrdînî û Stenbol de eşt keyeyan ser û xeylêk kesî destbend bîyî.&nbsp;

	&nbsp;

	Polîsan serê sibayî Amed, Qoserê Mêrdînî û Stenbol de eşt keyeyan ser û xeylêk kesî netîceya &nbsp;sereştişî de ameyî destbendkerdiş.&nbsp;

	&nbsp;

	Amed&nbsp;

	&nbsp;

	No serê sibayî Amed de polîsan eşt MED-DER û Pirtûkxaneya Payîz ser. Polîsan awanîyê her di sazgehan zî kelûpelê înan belawela kerd û bi seyan materyalê perwrdeyî, kitab, kovar û hard dîskê computeran desteser kerdî.&nbsp;

	&nbsp;

	Sewbîna polîsan eşt ser Kooperatîfê Perwerdeyî Ziwan û Hunerî yê Ankayî ke kargehê perwerdeyî zafziwanî û hunerî keno. Koperatîf taxa Bagcilar ê qezaya Rezanî ya Amedî de yo. Polîsan kelûpelê Kooperatîfî belawela kerd û hard dîskê computeran desteser kerd.&nbsp;

	&nbsp;

	Nameyê kesê ke heta nika ameyê destbendkerdiş wina yê: Hemserekê MED-DERî Mehmet Remzî Azîzoglû û Şukran Yakut, Rifat Ronî, Dîlan Guvenç, Nazan Çelîk, Cîhat Guney, Îlyas Gun, Bêrîtan Gurbet Orak, Mîne Karakaş, Ramazan Holat, Hebûn Yagmûr, Ayhan Karatekîn, Bêrîvan Duman, Mehmet Salîh Ongun, Rabia Karayil, Rêzan Aktulum (Hrant), Belkisa Suleymanoglû Bitkîn, Fatma Îgîn, Ahmet Boltan, Mustafa Açmaz, Hasan Gorpinar, Îpek Oyûr, Cîhat Çagirici.&nbsp;

	&nbsp;

	Stenbol&nbsp;

	&nbsp;

	Polîsan serê sibayî Stenbol de eşt serê xeylêk adresan. Endamê Kongreya Demokratîke ya Şaran (HDK), DEM Partî, Partiya Herêmê Demokratîke (DBP) û Komeleya MATUHAY-DER zî mîyan de 6 kesî sereştişê keyeyan de ameyî destbendkerdiş.&nbsp;

	&nbsp;

	Nameyê kesê ke ameyê destbendkerdiş wina yê: Verfeka Herêma 1ine ê DEM Partî Dîlber Demîr, îdarekara DEM Partî Yusuf Meniye, îdarekarê DEM Partîyê qezaya Arnavutkoyî Hayrettîn Erîklî, îdarekarê DBPyî Mustafa Kizilkaya, xebatkarê HDKyî Şamîl Altan, îdarekarê MATUHAY-DERî Kalo Bozutmak.

	&nbsp;

	Kesê ameyî destbendkerdiş berdîyayî Midûrîyê Polîsan ê Stenbolî. Ame zanayîş ke qerarê sînordarkerdişê yanî nimitişî dosya ser o est o.&nbsp;

	&nbsp;

	Mêrdîn&nbsp;

	&nbsp;

	Qezaya Qoserî ya Mêrdînî de zî polîsan eşt serê xeylêk keyeyan. Ame zanayîş îdarekara HDPyî ya verê Necla Kaya, Abdulganî Ferîtogûllari û Yasemîn Demîrkaya zî mîyan de xeylêk kesî ameyî destbendkerdiş. Ame dîyarkerdiş ke destbendkerdeyan berdê Fermandariya Cendirmeyan ê Bajarî.

	&nbsp;