SOHR: Tebaxe de 178 kesî ameyî kiştiş

2024-09-06 14:00:42


	 

	 

	MERKEZÊ XEBERAN - Goreyê SOHRî aşma Tebaxe de 178 kesî herêmê binê serwerîyê hukmatê Şamî de ameyî kiştiş û 125 kesî zî ameyî remênayîş.

	 

	Merkezê Çimdarî Heqê Merdiman ê Sûrîye (SOHR) neql kerd ke aşma Tebaxe de 6 ci ra tutî û 13 ci ra cinî, bi pêroyî 178 kesî herêmê ke binê kontrolê hukmatê Şamî de ameyî kiştiş. SOHRî dîyar kerd ke ê kesî hedîseyê kiştiş, şer, hêriş û nakokîyê keyeyî de dinyaya xo bedelnayê.

	 

	Goreyê SOHRî, eynî aşme de Heleb, Humis, Dera, Siwêda, Şam, Tertûs, Hema, Laziqiye û Dêrazorî (beşê binê kontrolê hukmatê Şamî de) 125 kesî ameyî remnayîş.