
Îran de muzîkjenêke namdare ameye kiştiş

2024-09-05 15:18:42


	&nbsp;

	&nbsp;

	&nbsp;

	MERKEZÊ XEBERAN - Bajarê Reştî yê Îranî de hemverê akademîsyene û muzîkjena Îranî ya Unîversîteya Tehranî Yasmîn Rahmetî hêrişêk çekdarî ame kerdiş. Netîce de Yasmîn Rahmetî û waşteyê aye ame kiştiş.

	&nbsp;

	Dezgehê çapemenîye yê Îranî neql kerdî ke akademîsyene û muzîkjena namdare û mamosteya santûrî ya Unîversîteya Tehranî Yasmîn Rahmetî û waşteyê aye, vernîya keyeyê aye yê bajarê Reştî yê Vakurê Îranî de, hêrişêk çekdarî de ameyê kiştiş.

	&nbsp;

	Yasmîn Rahmetî muzîkjenêke namdare bî. Serra 1986ine bajarê Arakî yê Îranî de dayîke ra bîya.

	&nbsp;

	Yasmîne xeylêk albumê muzîkî vetê. Sewbîna berhemêk xo dîyarî Kiyan Pîrfelek kerd ke serewedaritişê Rojhelatê Kurdistanî û Îranî yê bi sloganê "Jin, jiyan, azadî" de ameye kiştiş.

	&nbsp;

	&nbsp;