
YJK-Syî seba kampanyaya ‘Tîrêjên Rojê’ venga tewrbîyayîşî kerd 

2024-09-03 14:52:52


	&nbsp;

	&nbsp;

	MERKEZÊ XEBERAN - YJK-Syî seba kampanyaya 'Tîrêjên Rojê' venga tewrbîyayîşî kerd ke do 4ê êlule Cenevre de bêro destpêkerdiş.

	&nbsp;

	Çarçewaya hemleyê 'Azadî Abdullah Ocalanî rê, çareserîya sîyasî meselaya kurdî rê çareserî' Têgêrayîşê Cinîyanê Kurdan ê Ewropayî (TJK-E) dest bi kampanyaya 'Tîrêjên Rojê' kerd. Kampanya do 4ê êlule bajarê Cenevreyê Swîsreyî de dest pêbikero.

	&nbsp;

	Verê Ofîsê Neteweyê Yewbîyayeyî yê bajarê Cenevreyî de do 4ê êlule saete 13:00 de eşkerayîyêke çapemenîye reyde bêro dayîş û kampanya bi nê rengî dest pêbikero.

	&nbsp;

	Kampanya do bi sloganê "Rayber Apo tenê seba Kurdistanî nê, do seba temamê dinya aştî bîyaro” dest pêbikero û desan cayê Swîsreyî do bi çalakîyê hunerî û kulturî heta 12ê teşrîna verêne dewam bikero.

	&nbsp;

	Yewîya Cinîyanê Kurdan ê Swîsreyî (YJK-S) eşkerayîyêke weşan kerd û venga welatparêz, demokrat û pêro cinîyê ke hemverê sîstemê kapîtalîstî de yê kerd ke tewrê kampanyaye bibê.

	&nbsp;

	Dewamê eşkerayîye de ame vatiş, "Kampanya do heta 12ê teşrîna verêne dewam bikero û bajarê Aarau, Basel, Zurich, Luzern, St Gallen, Lozan, Bern û pêro wareyê ke sey YJK-S ma ci de bi rêxistin ê, do bi çalakîyan dewam bikero."

	&nbsp;