
Emîne Şenyaşar: Ez o tîya bî

2024-08-31 15:00:25


	&nbsp;

	ANQARA - Emîne Şenyaşar ke çalakîya xo ya vernîya Meclisî dewam kena, dîyar kerd ke heta Serekkomar Tayyîp Erdoganî reyde pêvînayîş bikero do çalakîya xo dewam bikera.&nbsp;

	&nbsp;

	14ê hezîrana serra 2018ine de pawitox û merdimê parlamenterê AKPyî yê verê Îbrahîm Halîl Yildizî qezaya Pirsûsî ya Rihayî de hêrişê dikanê keyeyê Emîne Şenyaşare kerd. Hêriş de mêrde û di lajê Emîne Şenyaşare ameyî qetilkerdiş û yew zî ame tepiştiş. Çalakîya Nobeta Edaletî ya Emîne Şenyaşar ke Meclis de daya destpêkerdiş roja 10ine de dewam kena.&nbsp;

	&nbsp;

	Emîne vat ke xeylêk problemê aye yê weşîye est ê û waştişê xo yê edaletî ancî kerd.&nbsp;

	&nbsp;

	Emîne bale ant qirkerdişî ser û vat ke pêwa ke emelîyat bîya zî çalakîya xo dewam kena. Emîne, waştişê xo yê pêvînayîşê serekkomarê AKPyî Tayyîp Erdogan reyde ancî kerd û da zanayîş ke heta pêvînayîşî yenê kerdiş zî do çalakîya xo dewam bikero.

	&nbsp;

	&nbsp;

	Emîne, waşt ke lajê aye Fadil Şenyaşar bêro veradayîş û wina vat: “Zulm ma rê ame kerdiş. Tutê mi û mêrdeyê mi qetil kerdî. Lajêk mi hucreyî de yeno tepiştiş. Wa lajê mi vera bidê.”&nbsp;

	&nbsp;

	Serekwekîla Koma DEM Partîye Gulistan Kiliç Koçyîgît ameye serdayîşê Emîne Şenyaşare.

	&nbsp;