Cezaya dîsîplînî 31 tepişteyanê Zîndanê Cinîyan ê Şakranî rê ameye birnayîş

2024-08-28 15:11:00


	 

	 

	 

	MERKEZÊ XEBERAN - Ame zanayîş ke 31 tepişteyê Zîndanê Girewte yê Cinîyan ê Şakranî de manenê, aşmêke cezaya qedexekerişê pêvînayîşî ameye birnayîş.

	 

	Bi sebebê ke ‘deyîra kurdî vatê, tîlîlî û sloganan berz kerdê’ ceza dayî 31 tepişteyê Zîndanê Girewte yê Cinîyan ê Şakranî yê qezaya Alîagayê Îzmîrî.

	 

	Ame zanayîş ke 31 tepişteyan derheqê 26 tepişteyan de aşmêke cezaya neqlkerdişî û 5 tepişteyan zî aşmêke cezaya pêvînayîşî ameya birnayîş. Ame dîyarkerdiş ke tepişteyan îtiraz kerdo. Roniştişê derheqê îtirazî do 18ê êlule de Dadgerîya Înfazî ya 1ine ê Karşiyakayî bêro vînayîş. 

	 

	Veradayîşê 5 tepişteyan bi sebebê ‘cipersayîşê disîplînî’ ame taloqkerdiş

	 

	Eynî wextî de goreyê agahiyan tepişteyê bi nameyê Lemiya Asu, Aynur Eplî, Rozerîn Kalkan, Nuran Durak û Guler Bîlen ke ganî mîyanê aşmêke de bêrê tehlîyekerdiş, bi sebebê cipersayîşê disiplînî, veradayîşê înan yeno taloqkerdiş.

	 

	Nameyê tepişteyê ke cezaya disiplînî girewtê wina yê: Zuhal Surucu, Mahsume Şedal, Fîgen Şahîn, Melek Atan, Lemiya Asu, Azîme Işik, Esma Başkale, Hasret Suzgun Kolkiran, Kubra Fîlîz, Ebru Guden, Mehtap Kiyar, Guler Bîlen, Aynur Epli, Hediye Ozturk, Aygul Kapçak, Bahar Alkan Yildiz, Rozerîn Kalkan, Hayriye Yagbasan, Şukran Ozer, Seher Oruç, Fatma Reşat Sîdo, Medîne Orhan, Nuran Durak, Esmer Ayas, Gulten Akgun, Sayme Bayar, Makbule Sunger, Dîlan Karakoç, Sînem Çelebî, Ebru Yîgît û Berna Çelîk.