
Dîlok de tutêk ame qetilkerdiş

2024-08-28 12:53:22


	&nbsp;

	&nbsp;

	DÎLOK - Dîlok de Emîr Bakî Bayindiro 10 serre, taxe de hetê dikandarêk ra ame qetilkerdiş.&nbsp;

	&nbsp;

	Dîlok de Emîr Bakî Bayindiro 10 serre wexto ke kayî kay kerdêne, bi îdiayê “ven veto” hetê camêrdêk ke taxe dikandarî keno, bi çeke ame qetilkerdiş.&nbsp;

	&nbsp;

	Serebût saetanê şanî de Taxa Guzelvadî de pê ame. Keso ke nameyê ey nêame zanayîş û taxe de dikandar o, veng vetişê Emîr Bakî Bayindiro ke kayî kay kerdêne aciz bi û bi çifteyê dikanê xo gule vera da tutî û cayê hedîse ra rema. Îxbarî ser o welatijê taxe tîmê weşîye û polîsan sewqê cayê serebûtî ameyî kerdiş. Tuto ke tîmê weşîye mudaxaleyê ewilî cayê serebûtî kerd û ey wedarnayî nêweşxaneyêk taybetî, dinyaya xo bedelnaye. Cenazeya Emîrî wedarnayî morgê Sazgehê Tibê Edlî.&nbsp;

	&nbsp;

	&nbsp;

	Derheqê serebûtî de cipersayîş ame destpêkerdiş, seba faîl rema zî xebatê tepiştişî yenê kerdiş.

	&nbsp;

	&nbsp;

	&nbsp;