Emîne Şenyaşara ke tabûrcî bîye ancî ameye meclîs 

2024-08-26 14:47:16


	 

	 

	ANQARA - Emîne Şenyaşar ke peynîya hewteyî de emelîyat bîye, dimayê ke nêweşxane ra tabûrcî bî, seba têkoşînê xo dewam bikera, ameye Meclis. 

	 

	Emîne Şenyaşar ke 14ê hezîrane 2018ine de qezaya Pirsûsê Rihayî de mêrde û 2 lajê aye hêrişê merdim û pawitoxê Parlamenterê AKPyî yê verî Îbrahîm Halîl Yildiz ra ameyî qetilkerdiş û lajêkê aye zî ameyo tepiştiş, dimayê emelîyat derbaz kerda, nêweşxane ra ameye tabûrcîkerdiş. Emîne vera ke boya xo bida, serê sibayî ameye odaya lajê xo Parlamenterê Partîya Têduştî û Demokrasî (DEM Partî) ê Rihayî Ferît Şenyaşarî.

	 

	Emîne tîya de eşkerayîyêke kilm da û dîyar kerd ke aye dimayê qetlîamî tim aciz bena û vat ke aye roja ke çalakî daya destpêkerdil heta nika 4 rey emelîyat derbaz kerd. Emîne da zanayîş ke dimayê qetilkerdişê keyeyê aye, tu sûcê aye yê Fadil Şenyaşar ameyo tepiştiş çin o, pêwa pêro dinya û Serekkomarê AKPyîj Tayyîp Erdogan zî zano û wina vat: “Çira wina kenê? Tay biwijdan bê û lajê mi vera bidê.”