TJK-E: Nêeşkenê bi hêrişan çapemenîya azade bêveng bikerê 

2024-08-24 12:46:14


	 

	 

	MERKEZÊ XEBERAN - TJK-E derheqê qetilkerdişê rojnamegere Gulistan û Hêro de eşkerayîyêke da û vat: “Nê hêrişî do nêeşkê çapemenîya azade bêveng bikerê, ne zî do bieşkê têkoşînê azadîya kurdî vindarnê.”

	 

	Reaksîyonê hemverê qetilkerdişê rojnamegeranê kurdan ê Gulistan Tara û Hêra Behadîne dewam kenê. Têgêrayîşê Cinîyanê Kurdan ê Ewropayî (TJK-E) zî derheqê hêrişî de eşkerayîyêke nuşteyî da.

	 

	Eşkerayîye de wina ame vatiş:

	 

	"Kedkarê Çapemenîya Azad a Kurde Gulistan Tara û Hêro Behadîn netîceyê hêrişê teyareyê bêmerdim û biçeke yê dewleta tirkan de ameyî qetilkerdiş. Rejîmê AKP-MHPyî yê faşîstî serê qirkerdişê şarî û cinîyanê kurdan de sîyaset keno. Ma nê hêrişê nêmerdane yê rejîmê faşîst bi nefret şermezar kenê û kedkarê çapemenîya azad, keyeyê înan û şarê xo rê sersaxî wazenê. Ma sozê ganekerdişê xeyalê cuya azad danê Gulistan Tara û Hêro Behadîn. Nê hêrişî do nêeşkê çapemenîya azad bêveng bikerê, ne zî do bieşkê têkoşînê azadîya kurdan vindarnê.”