‘Bi felsefeya Rayberî ma do azadî û nasnameyê xo bipawê’ 

2024-08-20 12:11:29


	 

	 

	Mîdye Miqdet

	 

	HELEB - Bi sloganê "Hîkayeya mi hîkayeya her kesî ya" Yewîya Cinîyê Ciwanî panel organîze kerdî. Cinîyê ke tewrê panelî bîyî eşkere kerdî ke felsefeya Rayberê PKKyî Abdullah Ocalanî reyde cuya azad yena awankerdiş û wina vatî: "Bi felsefeya Rayberî ma do azadî û nasnemeyê xo bipawê."

	 

	Yewîya Cinîyê Ciwan ê bajarê Helebî bi sloganê "Hîkayeya mi hîkayeya her kesî ya" Heleb de panelêk organîze kerdî. Panel salona MSDyî ke kewena taxa Şerqî de ame organîzekerdiş. Panel de cinîyê ciwanî, xeylêk sazgehî amede bîyî. Panel de ercnayîş cuya Rayberê PKKyî Abdullah Ocalanî ser o û azadîya tutî de ame munaqeşekerdiş. Hetê Endama Cinîyê Ciwanî Ronehî Yosêf perspektîfê Abdullah Ocalanî ameyî wendiş. Sewbîna sînevizyonê cuya Abdullah Ocalanî ser o ame temaşekerdiş û berê munaqeşeyî ameyî akerdiş.

	 

	Cinîyê ke tewrê panelî bîyî ercnayîş kerdî. 

	 

	'Ma rexnedayîşê xo hemverê keda Raybertî de danê'

	Derheqê wendişê perspektîfê Rayberî Ronahîye wina vat: "Netîceyê wendiş û zanayîşê cuya Rayberî de fikr û felsefeya ey de ma resenê ey û seba komelî xeylêk xo ver dayo. Ewro ma vînenê Rayber bi felsefe, têkoşîn û xoverdayîşê xo dinya de veng da. Coka ma sey ciwanî hemverê têkoşînê Rayberî ganî her rexnedayîşê xo bidê ke ma xo nêresna kûrayîyê felsefeya Rayberî."

	 

	'Rayberî hema tutîya xo de heskerdoxê tekoşînê azadîye bi'

	 

	Ciwana pêameyê Erebî Endama Insiyatîfê Cinîyan ê Azadîya Rayber Apo Reşe Milhêm zî derheqê muhîmîya panelî de qisey kerd û vat: "Binê sloganê Jin Jiyan Azadî de xoserê azadî ke cinîyê ciwanî Bakur û Rojhelatê Sûrîye organîze kerdî, muhîm bî. Ewro zî ma binê sloganê çalakîyê xo seba azadiya Rayberî organîze kenê. Çalakîya ma zî bi cumleya rayberî ke vano, "Hîkayeya mi hîkayeya her kesî ya" ercnayîş ameyî kerdiş û perspektîf derheqê babete de yenê wendiş. Bi rastî zî hîkayeya Rayberî, hîkayeya ma pêrûne ya. Semedo ke meraqê ey azadkerdişê koletî est bî. Sewbîna persê sey, "Çira ez kurd a la nêeşkena bi ziwanê xo qisey bikerî û biwanî? Çira Kurdistan xerîteya dinya ser o çin o?” Kerdêne. Coka şexsê Rayberî de şexsê pêro ciwanan ê seba nê çî çalakîyê ma yê bi no hawayî seba guftigokerdişê cuye û felsefeya Rayberî ser o.”

	 

	'Ganî xeta Rayberî de ciwanî têkoşînê xo berzêr bikerê' 

	 

	Reşe tewr peyîn wina vat: "Seba ma Rayber serkêşê komel, cinî û ciwanan o. Semedo ke Rayber rayîrê felsefeya xo de bawerî bi hêz û îradeyê cinîyanê ciwanan ard û ber vernîya înan da akerd ke têkoşîn bikerê û wayîrê nasnemayê xo vejîyê. Cinîyê ciwanî zî rayîrê têkoşînê xo de waştişê Rayberî pê ard û ewro ma vînenê pêro raşteyan de cayê xo gênê. Coka wezîfeyê ma yê sereyîn oyo ke ma pêro cinîyê ciwanî bi rêxistin û perwerde bikerê ke bieşkê wayîrê xo vejîyê û xeta Rayberî de têkoşînê xo berzêr bikerê û deskewtişê xo bipawê.”