
Hîndîstan de cinî bi sloganê ‘Jin jîyan azadî’ vejîyayî raşteyan 

2024-08-17 12:34:26


	&nbsp;

	&nbsp;

	MERKEZÊ XEBERAN - Cinîyan Hindistan de tecawizkerdiş û qetilkerdişê cinîyêke prostesto kerdî û pankartê “Jin jiyan azadî” akerdî.

	&nbsp;

	Bajarê Kalkuta yê bi serê eyaletê Bengalayê rojawanî yê Hindistanî 9ê tebaxe de doktorêk desteştişê cinîyêke kerd û dima ra zî ameye qetilkerdiş. Nerazîbîyayîş û hêrsê hemverê tecawizkerdiş û kiştişê nê cinîyan dewam keno. Cinî xeylêk cayê Hindistanî de vejîyayî raşteyan û hedîse protesto kenê. Cinîyan unîversîte ra bigî heta termînalê otobusan çalakî organîze kerdî û sloganê “Ma edalet wazenê” berz kerdî.&nbsp;

	&nbsp;

	Rojnamegerê ke herême de şuxilênê nê ercnayîşî kerdî: “Ma verê qet nêdîyo ke bajar de şewe cinî bi girseyêk hende pîl rayîr ra şîyî.”&nbsp;

	&nbsp;

	Dimayê hedîseya tecawuzî û kiştişî, seranserê nê welatî de cinî protestoyan organîze kenê. Cinî roja 8ine de vejîyayî kuçeyan û waştişê edaletî kerdî. Cinîyê hindistanî çalakîya roja 8ine de sloganê cinîyê kurdî “Jin jiyan azadî” pankartê xo ser nuştî.&nbsp;

	&nbsp;

	Çalakî yanî protestoyî bajarê Delhî, Haydarabad, Mumbaî û Pune zî ameyî organîzekerdiş. Hîn cayan çalakîkerî û polîsî ameyî verbayê yewbînan. Polîsan mudaxeleyê çalakîkeran kerdî.

	&nbsp;

	&nbsp;

	&nbsp;