‘Ganî şar serekê xo bivîno’

2024-08-17 11:28:30


	 

	 

	Elfazî Toral

	 

	STENBOL - Cinîyan dîyar kerdî şerê ke Tirkîya de yeno kerdiş, têkilîyê ci tecrîdî reyde est o û vat: “Destpêkê pêro probleman şer û tecrîd o. Heta serekê ma azad nêbo, yew zî azad nîyo. Ganî şar serekê xo bivîno. Heta tecrîd nêwurzo azadîya fîzîkî pê nîno do şer nêvindero û seba nê şexsî nê la ganî têkoşînêk topyekun bibo.”

	 

	Cinîyan derheqê polîtîkayê şerî yê her şino giran beno û pêameyê azadîya fîzîkî ya Abdullah Ocalanî de JINNEWSî rê qisey kerd.

	 

	‘Ma zulm nê edelet wazenê’

	 

	Nezîme Dal da zanayîş ke 41 aşmî yo tu agahî Rayberê PKKyî Abdullah Ocalanî ra nîna girewtiş û wina vat: “Ma tecrîdê Abdullah Ocalanî ser o û pêro zîndanê bînan qebûl nêkenê. Zîndanan de tecrîd, îşkence û zulm est o. Ez vizêr şîya zîndan pêvînayîş. Uca de her tewir zilm û zordarî est o. Ma dayîkî nê tecrîdî red kenê. Seba tecrîd sûcê merdimayî yo. Yew dewaya ma nasnameyî est a. Ma çîyêk bîn nêwazenê. Ma zulm nê, edelet, ma şer nê aştî wazenê. Semedo ke no welatî de edelet çin o, merg est o. Ma merg nêwazenê.”

	 

	 

	

	‘Heqê serekê ma çinî bo ê ma zî çin o’

	 

	Resîme wina dewam kerd: “Kiştoxê cinîyan yenê veradayîş. Wayîrê heqî yê. La kurdî tu heqî ra feyde nêgînê. Abdullah Ocalan lîderêk dinya ê nimûneyo. Heta serekê ma azad nêbo ma azad nîyê. Heqê tutanê ma çinî bo, ê ma bînan zî çin o. No tecrîd heqeretêk pîl o. AKP PDKyî reyde hemkarî kerdo û hêrişê kurdan keno. Uca herra AKPyî nîyo. La leşkeran beno uca de ca keno. Çekê kîmyewî şuxilneno. Dewan veşnenê. Sivîlan kişenê. Dima ra vanê ma terorîst kiştê. Ez venga şarê kurdî kena. Ganî her kes wurzê lingan ser. Ganî vernîya nê şerî padê.”

	 

	 

	‘Çimeyê pêro probleman şer o’

	 

	Aliye Turk zî wina vat: “Tirkîya de demokrasî çin a. Ganî hemverê tecrîdê zîndanan de têkoşîn bêro berzkerdiş. Cinî, tutî, ciwanî pêro komel binê tecrîdî de yo. Ekonomîye zî girêdayeyê tecrîdî ya. Qetilkerdişê cinîyan girêdayeyê tecrîdî yo. Semedo ke no tecrîd bêro şikinayîş, wezîfe keweno milê ma hemine ser. Ganî ma fikrê xo neql bikerê raşteyêk komelî. Şexsî nê ganî têkoşînêk topyekun bibo. Çimeyê her çî şer o. Ganî heq û huqûq bêro Tirkîya. Her çî demokrasî ra derbaz beno. Wa têduştî û demokrasî bêro Tirkîya.”