YJK-E: Xoverdayîşê cinîyê afganijan xoverdayîşê ma yo 

2024-08-16 15:49:45


	 

	 

	MERKEZÊ XEBERAN - YJK-Eyî neql kerd ke Talîban hewl dano cinîyan pêro raşteyê cuye dûr bikerê û vat: "Xoverdayîşê cinîyê afganan xoverdayîşê cinîyanê kurdan o."

	 

	Yewîya Cinîyê Kurdî yê Elmanyayê (YJK-E) eşkerayîyêke weşanayî û dîyar kerdî ke hêzê hegemonîk bi polîtîkayêke bi zanebîyayîş Talîban, El Qaîde û çeteyê DAIŞî bi rêxistin kenê û wazenê bi destê înan qirkerdişê şarî û cinîyan bikerê.

	 

	Eşkerayîye de işaret bi îqtîdarê Talîbanî yê Afganistanî ame kerdiş û ame vatiş: "Hewl danê cinîyan wareyê komelî, sîyasî, zanistî û kulturî ra dûr bifînê û mehkûmê mezgê serwerîyê feodal û kehnî bikerê."

	 

	Dewam de wina ame vatiş: “Xoverdayîşê cinîyê afganî eynî wextî de xoverdayîşê ma yê cinîyanê kurdan o. Serê vengdayîşê rêxistinê cinîyan ê Afganî ma tewrê çalakîyê Frankfûrt û Kolnî bîyî û reyke bîn nê hêzê mîyanneteweyî reyde neql kenê ke bîyî hemparê nê şermî ke berpirsyarîyê xo bi ca bîyarê û hesab bidê cinî û merdimayî.”