TJA: Ma destkewtişanê xo qurbanê hesabanê erjanan nêkenê 

2024-08-14 14:27:18


	 

	 

	AMED - TJA, derheqê îstîfayê hemşaredarê Avkevirî yê Agirî de eşkerayîyêke da û vat: "Ma venga cinîyan kenê ke hemverê polîtikayê dişminî bêrê têhet û têkoşîn bikerê."

	 

	Têgêrayîşê Cinîyanê Azadan (TJA), derheqê îstîfayê hemşaredarê Avkevirî yê Agirî Mehmet Alî Budakî de eşkerayîyêke nuşteyî da. 

	 

	Eşkerayî de wina ame vatiş: "Hemşaredarê Avkevirî yê Agirî, Bêrecûkê Rihayî û bajarokê Aviskî yê Qûbînê Êlihî îxanet weçînîtoxê xo yê Kurdistanî rê kerdî. Bi taybetî zî yê Avkevirî ke vengdayîşê îqtîdarî serê xeta îxanetî ra şi û hemşaredare Cemîle Duman qebûl nêkerd û sîstemê cinîyan esas nêgirewt û polîtîkayê tehdîtî hemverê hemşaredara ma û keyeyî de kerd.

	 

	Cinî bi serran o hemverê sîstemê serdest ê camêrdan de têkoşînêk danê û xeylêk destkewtişî bi dest kerdê. Ma do hemverê hêrişê sîstemê hemserêkî bêtir xo birêxistin bikerê, hemverê dişminîyê kurdî de têkoşîn bikerê. Ma destkewtişê xo qurbanê hesabanê erjan nêkenê zî. Awankerdişê cuya azad ê cinî de ma venga cinîyan kenê ke hemverê polîtîkayê dişminî yê îqtîdarî de cinî bêrê têhet.”