Hemverê kiştişê cinîyan de solan dayî verê wezaretî 

2024-08-12 15:57:39


	 

	 

	ANQARA - Platformê Cinîyan ê Anqarayî, verê Wezaretê Keye û Xizmetê Komelî solan dayî ro û bale antî qetilkerdişê cinîyan ser o û vatî: "Teberê keyeyî de zî cinî est ê, keye pîroz nîyo."

	 

	Cinî vengdayîşê Platformê Cinîyan ê Anqarayî ser o, verê berê Wezaretê Keye û Xizmetê Komelî de kom bîyî û polîtîkayê ke wezaretî binê nameyê "keyeyê pîroz" de keno, şermezar kerd. Cinîyê ke waştî bale biancê kiştişê cinîyan ser, vernîya eşkerayîya çapemenî solan verê wezaretî de verdayî. Cinîyan xeylêk rey bêmabên sloganê "Jin jiyan azadî" û "kiştişê cinîyan polîtîk o" berz kerdî.

	 

	Serê nameyê platformî ser Buse Uçer qisey kerd û wina vat: “Îqtîdarîyê ke cinîyan tedayê camêrdî ra nêpawenê û şîdetê camêrdî aver beno, bi rayîrê hukmî reyke bîn cinîyan ceza kenê. Bi tayînkerdişê qeyûman, tepiştiş û dûrvistişê wezîfeyî hewl danê vernîya caardişê sîstemê hemserekî bigîrê. Sîstemê hemserekî ke seba cinî sîyaset de bibê qonaxêk bîn. Hêriş tenê hemverê sîstemê hemserekî nê, sewbîna  pêro wareyê xebatî yê cinîyan ê hetê şaredarîyan ra bi rayîrê qeyûman ameyê awankerdiş yenê padayîş.  Merkez û sazgehê cinîyan ê hemverê şîdetê yan yenê padayîş, yan zî hetê camêrdan ra yenê îdarekerdiş. Bi kilmî hukmat vano 'agêrê keyeyê xo!'