‘Ma do her wext taqîbkerdoxê Denîz Firate bê’

2024-08-09 10:21:25


	 

	 

	Rojîn Hebabî 

	 

	ŞENGAL - Rojnamegere Bêrîvan Çiya ya 10ine serrgêra şehadetê Denîz Firate de qisey kerd û dîyar kerd ke do her tim û her cayî de serê rêça Denîzan de bê û bibê vengê rastî û heqîqetî.

	 

	Rojnamegere Denîz Firate 10 serrî verê yanî 8ê Tebaxa 2014ine de Wargehê Multecîyan ê Şehîd Rustem Cudî (Mexmûr) hêrişê çeteyê DAIŞî yê serê Mexmûrî de dinyaya xo bedelnaye. Denîze wexto ke dinyaya xo bedelnabî kameraya aye destê aye de bî û wehşetê çeteyan rayaumûmî yê dinya rê neql kerd. Denîze hem bi têkoşînê xo hem zî bi rojnamegerîya xo mîrasêk muhîm taqîbkerdoxanê xo rê verda. Denîza ke ala neqlkerdişê rastî Gurbetellî Ersoz û Apê Mûsayan ra girewtibî, sey înan serê rayîrê heqîqetî de bî cangoriya çapemeniya azad. Nika ewro zî bi desan taqîbkerdoxê Denîze bi kamera û qelema Denîze sey aye pey heqîqetî de yê û rastîyan pêro dinya rê neql kerdî. 

	 

	Di salvegera 10’emîn a şehadeta Denîz Firat de rojnameger û pêşkêşvana Çira TV Bêrîvan Çiya ji ajansa me re axivî û diyar kir ku dê li ser şopa Denîzan her dem dengê rastî û heqîqetê bin.

	 

	'Rojnamegerê ke xeta azadîye de rayîr ra şîne bîyî hedef'

	Rojnemegere Bêrîvan Çiya da zanayîş ke ê taqîbkerdoxê Şehîd Denîze yê û wina vat: “Şexsê Şehîd Denîze de ma pêro şehîdê rayîrê azadîye anê xo vîr û bejna xo bi rêzdarî verê înan de tewênenê. Çi heyf Şehîd Denîze hetê çeteyê DAIŞî ra ameye hedefgirewtiş û resa şehadet. Semedo ke Şehîd Denîze cepheyê şer de yew bi yew gêrayîne û rastîyê çeteyan rayaumûmî rê eşkera kerdêne, ame hedefgirewtiş û şehîd fînayî. Bi desan embazê rojnemegerî ke semedê eşkerakerdişê rastî xeta azadî de rayîr ra şîne, hedef ameyî girewtiş û şehîdkerdiş. Her dem vengê rastî û vengê rastî ke vejîyo uca de rojnemegerê heqîqetî est ê. La çi heyf dişmin zî verê xo dano ke vengû heqîqetî bibirno.”

	 

	'Ma do tim taqîbkerdoxê Denîz Firate bê'

	 

	Bêrîvan Çiya tewr peyîn wina vat: “Rengê cinîya azad, rengê komelê azade yo. Şengal de wexto ke vanê rojnemeger, cinîyê rojnemegerî yenê vîrê ma semedo ke tewr zêde cinî mîyanê nê karî de ca gênê. Tenê Şengal de nê her cayî de hûmara zêde ya rojnemegeran cinî yê. Bêşik kîşte nê de zî hêrişê taybetî serê ma de est ê. Bername û dîmenê ma bi metodê cîya yenê vilakerdiş. Her cinîyêke rojnemegere wa nêkero xo vîr ra ma serê rêça Denîze û Nûjiyanan de yê. Semedê nê zî ma do her wext vengê rastî bê û hemverê şerê taybetî de vimderê. Ancî ma şehîd Denîze ke mamosteya ma ya, ma bi rêzdarî anê xo vîr. Ma sozê xo yê heta peynî neqlkerdişê rastî danê. Ma do tim taqîbkerdoxê Denîz Firate bê.”