Îdarekerîya Xoserî: Hêrişê 3yê Tebaxe sey qirkerdiş qebûl bikerê 

2024-08-03 14:56:08


	 

	 

	 

	MERKEZÊ XEBERAN - Îdarekarîya Xoserîya Demokratîke veng komelê mîyanneteweyî kerd ke qirkerdişê çeteyê DAIŞî 3yê Tebaxe (2014) Şingal de pê ardibî, sey qirkerdişî qebûl bikerê.

	 

	Îdarekarîya Xoserîya Demokratîke ya Herêma Bakur û Rojhelatê Sûrîye seba serrgêra 10ine ê qirkerdişê 3yê Tebaxe ya Şingalî eşkerayîyêke nuşteyî weşan kerd.

	 

	Eşkerayîye de wina ame vatiş: "Komelê êzidî, tarîxê xo de rastê pêro tewirê zilm û zordestî ameyo û zêdeyêrî 74 fermanî hemverê ci de ameyî kerdiş. Pêwa pîlbîyayîşê nê trajedî zî la komelê êzidî yê lehengî semedê wedaritişê heyfê tutanê xo, birînê xo kewênayî. Demêk kilm de karê xo bi rêxistin bikerê û semedê xelisnayîşê temamê Şingalî çeteyê DAIŞî, Yewîneyê Xoverdayîşê Şengalî (YBŞ) awan kerdî. Sewbîna semedê xoîdarekerdişî û birêxistinkerdişî kar û barê Şingalî meclisê sivîlî yê Şingalî awan kerd.”

	 

	Peynîya eşkerayîye de venga komelê mîyanneteweyî û temamê rêxistinê heqê merdiman ame kerdiş ke qirkerdişê çeteyê DAIŞî 3yê Tebaxe (2014) Şingalî pê ardi bî, sey qirkerdişî qebûl bikerê.