
Bêtkarê Qilêbanî de rojane nêzdîyê 700 ton darî yenê birnayîş  

2024-08-02 14:26:52


	&nbsp;

	&nbsp;

	ŞIRNEX - Dewleta tirkan herêma Bêtkar a qezaya Qilêbanî de bi destê qorîcîyan rojane derûdorê 600-700 ton daran birnena û bena bajaranê cîya.

	&nbsp;

	Talankerdişê daristanê qezayanê Elkê û Qilebanî yê Şirnexî ke bi destê qorîcîyan ameyo destpêkerdiş, bi aşman o bêmabên dewam keno. Birnayîşê daran ê bi sebebê “viraştişê kalekolî” herêma Bêtkarî ya qezaya Qilebanî de ameyo destpêkerdiş, raşteyêk hîra vila bî. &nbsp;Birnayîşê daran ver bi çoltarê qezaya Elkê ra hîra beno.

	&nbsp;

	Qorîcî, nê daran binê çimdarîyê leşkeran de birnenê. Ame zanayîş ke her kesê beşdarê birnayîşê daran bîyê rojane hezar TL yewmîye gênê û wayîrê traktoran rê zî hezar TL pere danê.&nbsp;

	&nbsp;

	Goreyê agahîyê ameyê bidestkerdiş, semedê darê ke ameyê birnayîş derûdorê 40 traktorî yenê şuxilnayîş. Bi her traktorekî rojane 4 seferî yenê kerdiş. Her seferî de derûdorê 4-5 tonê darî yenê vurnayîş. No zî rojane teqabûlî 600-700 tonê daran keno.

	&nbsp;

	Xeylê darê ke yenê birnayîş vernîya qereqolê Xabûr 2 û klubeyê qorîcîyan de yenê arêdayîş. Tîya ra zî bi TIR û kamyonan şirawenê bajaranê cîya.

	&nbsp;