‘Ma 24 saetan şarî rê xizmet kenê’ 

2024-07-31 09:18:53


	 

	 

	Şehrîban Aslan

	 

	RIHA - Hemşaredara Pirsûsî Ayten Kaya, da zanayîş ke pêwa pêro deynê înan rê ameyê verdayîş, xizmetê seba şarî dewam kenê û vat: “Semedê ma vatişê mesaiyî yê saete bîya 17.00 çin o. Ma 24 saetan şarî rê xizmet kenê.”

	 

	Partîya Têduştî û Demokrasî (DEM Partî) weçînayîşê 31ê Adare de şaredarî qeyûman ra girewt. Yew nê şaredarîyan ra zî ya Pirsûsî ya Rihayî bî. DEM Partîye bi 177 mîlyon lîra deyn şaredarî ra girewt. Îdarekarîya newe da zanayîş ke 85 mîlyon deynê emserî yê û xeylê xo fatureyê xeyalî pê yenê. Şaredarîya Pirsûsî pêwa pêro bêîmkanî xizmetê semedê şarî dewam kena.

	 

	Şarî reyde têhet ê

	 

	Hemşaredara Pirsûsî Ayten Kaya da zanayîş ke amancê înan oyo ke şarî rê şaredarîye bikerê û nê qezayî şarî reyde îdare bikerê.

	 

	Yew zî problemo tewr pîl rayîr o 

	 

	Aytene wina vat: “Pirsûs de di serrî yo xebatê binsesazgehî yenê kerdiş û no 6 aşmî dima peynî bibo. Bêşik xebatê binesazgehî muhîm ê la xêrcê nê xebatî çin ê. Roja ke ma ameyê heta nika xeylêk taxan de xebatê rayîrî dewam kenê. Wesayîtî seba çalan xisar gênê. Heta destê ma ra yeno ma çareser kenê. Ma hewl danê tay asan bikerê. Do xebatê ma dewam bikerê.”

	 

	Awe û ceyran yenê birnayîş

	 

	Aytene bale ant serê birnayîşê awe û vat: “Problemê antişê awe est o. Problemê şebekeyê Îdareyê Awe û Kanalîzaysonî yê Rihayî (ŞUSKÎ) yê yeno Pirsûsî  pê yeno. Nimûne vatî saetê pirkerdişê depoyî est ê û 12 saetan de pirr beno.  No depo 4 saetan de yenê vengkerdiş. Semedê prosesê bi kordînekerdişî bêro çareserkerdiş, ma ŞUSKÎ reyde şuxilênê.”

	 

	‘Do lokontayî ancî bikewê xizmetê şarî’

	 

	Aytene tewr peyîn wina vat: “Ma hemşaredarî û encumen hewteyê reyke çop kom arêdanê. Ma şinê parkan û embazanê wezîfedaran zîyaret kenê. Hewce bikero, ma pakitî zî kenê. Ma semedê Pirsûsî şuxilênê. Wexto ke ma wezîfe dewr girewt lokontayê şarî û merkezê gastronomiyî amebî padayîş. Ma firin rojê vîyarte de ancî kerd xizmetê şarî. Salonê ma yê spor û fîtnessî est ê. Pirsûs de 200 nêweşê çolyakî û 10 zî nêweşê PKU est ê. Ma 24 saetan xizmet danê şarê xo. Karkerîya mewsîmî zaf zêde ya. Ma do taqîbkerdox bibê. Sewbîna do nameyê 33 xeyalê raywanan zî parkî rê bêro dayîş.”