
Çalakîya Mexmûrî 375 rojî pey xo de verda 

2024-07-30 14:31:23


	&nbsp;

	MERKEZÊ XEBERAN - Çalakîya Nobete ya Wargehê Mexmûrî ke semedê şikinayîşê tecrîdê girankerde û azadîya fîzîkî ya Rayberê PKKyî Abdullah Ocalanî ameyo destpêkerdiş roja xo ya 375ine de bi koma 74ine dewam kena.

	&nbsp;

	Çalakîya Nobete ya Wargehê Multecîyan ê Şehîd Rûstem Cûdî (Mexmûr) ke 20ê Temmuza 2023ine de semedê şikinayîşê tecrîdê girankerde û azadîya fîzîkî ya Rayberê PKKyî Abdullah Ocalanî ameyo destpêkerdiş, roja xo ya 375ine de bi koma 74ine bi qerardarîyêk xurt dewam kena.

	&nbsp;

	Semedê dewrgirewtişê şarê wargehî Komîteya Keyeyê Şehîdan ê Mexmûrî kombîyayîş û bi merasîmêk koma newe çalakî dewr girewt.

	&nbsp;

	Dewrgirewtişê bi deqeyêk rêzgirewtişê semedê temamê Şehîdê Azadîya Kurdistanî dest pêkerd. Dimayê dewgirewtişî serê nameyê koma 73ine, çalakîkera bi nameyê Taybet Mijinî qisey kerd û tecrîdê serê Abdullah Ocalanî bi şîdet şermezar kerd û vat: “Têkoşînê hemverê tecrîdî, ma silam kenê. Tecrîd hemverê heqê merdiman o. Ma tenê eşkenê bi xoverdayîşê tecrîdî bişikinê, rayîrêk bîn çin o. Ma xoverdayîşê gerîla silam kenê û veng dayî temamê şarê kurdî û keyeyê tepişteyan kenê, wurzê serewedaritişan.”

	&nbsp;

	Çalakîya nobete bi sloganê ‘Şehîd Namirin’ û ‘Bijî Serok Apo’ dewrê koma 74ine ê Komîteya Weşîye ame kerdiş.

	&nbsp;

	&nbsp;