
Koma ke polîsan pawitêne Amed de nuşteyê bi kurdkîya kurmancî sîya kerd 

2024-07-29 14:23:32


	&nbsp;

	&nbsp;

	AMED - Komêke nasnameyê înan nêdîyar Amed de binê pawitişê polîsan de nuşteyê “Hêdî” û “Pêşî Peya” yê bi kurdkîya kurmancî ya serê rayîrî de bî, bi boyax sîya kerd.&nbsp;

	&nbsp;

	Dimayê Wanî, Amed de zî bi kurmancî “Hêdî” û “Pêşî Peya” ameyî boyaxkerdiş. Şewa bîne saetê derûdorê 03.21î de otomobîlêke, kamyonêke û wesayîtêk bi markayê rangerî ameyî vernîya Şaredarîya Bajarê Girdî ya Amedî. Keso ke wesayîtê rangerî ra peya bi û kaleke ey de çek est bî, cayê lambayê trafîkî ameyî û şîyayîşê wesayîtan kontrol kerd. Dima ra zî 2 kesî wesayît ra peya bî, derûdor kontrol kerdî. Kesê bînî zî bi firçe û boyaxan nuşteyê bi kurdkî sîya kerdî.

	&nbsp;

	Heto bîn ra semta Ofîsî ya qezaya Bajarê Neweyî ya Amedî de hem zî xeylêk noqteyê bînî yê bajarî de zî nuşteyê bi kurdkî ameyî sîyakerdiş.

	&nbsp;

	&nbsp;

	&nbsp;