Elkê de bi destê qorîcîyan darî yenê birnayîş

2024-06-27 11:42:09


	 

	 

	ŞIRNEX - Herêma Komate ya qezaya Elkê ke hetê qorîcîyan ra binê muşahadeyê leşkeran de birnayîşê daran ame destpêkerdiş. Bi hezaran darî ameyê birnayîş, bi traktoran verê kuleyê leşker û qorcîyan de yenê arêdayîş.

	 

	Koyanê Cûdî, Gabar û herêma Bestayî yê ke serê Şirnexî de yê, birnayîşê daran û talankerdişê xozaya ya ke hetê qorîcîyan ra ameyo destpêkerdiş, dewam keno. Na rey zî birnayîşê daran qezaya Elkî ya Şirnexî ke demê peyîn de her tim sey "herêma asayîşê taybetî" yena neqlkerdiş, dest pêkerd. Herêma Komate ya qezaya Elkê de hetê qorîcîyan ra birnayîşê daran dest pêkerd. Darê ke yenê birnayîş bi traktoran raşteyê nêzdîyê kuleyê leşkerî û qorîcîyan yenê arêdayîş û dima ra kamyonan rê bar kenê û benê bajarê cîya. Ame zanayîş ke herême de 3 aşmî yo birnayîşê daran dest pêkerdo. Fermandariya Qereqolî şarê herême ra vatibî: "Daran bibirnê û pere zî wa şima rê bo.” Labelê dewijan qebûl nêkerdo. Bi fermanê qereqole darî hetê qorîcîyan ra yenê birnayîş. Ame neqlkerdiş ke herêma ke dar ci de yenê birnayîş, operasyonê leşkerî zî dewam kenê.”