
Merdimanê xo adirî ra xelas kerdî: Helîkopter biameyîne kes nêmerdêne

2024-06-27 11:04:13


	&nbsp;

	&nbsp;

	Oznur Deger

	&nbsp;

	MÊRDÎN - Pero Demîr ke hîrê birazayê aye şewat de dinyaya xo bedelnayî û di tenî bi destê xo berd wesayît, wina vat: “Ma mîyanê adirî de veşenê, cendermeyî ameyî îfade girewtî, şîyî. Îfadeyê çi gênê? Cenderme rayîrê dewe pada bî, rayîr nêdayîne ma.”

	&nbsp;

	Şewa 20ê hezîrane de semedê têlê ceyranî dewa Çinarê Amedî û Şemrexê Mêrdînî de şewat vejîya. &nbsp;10 kesî dewa Kelekê ya Şemrexê de bi pêroyî 15 kesî şewat de dinyaya xo bedelnayî. Kîştêke ra zî kesê ke dinyaya xo bedelnayî şînê înan dewam keno.

	&nbsp;

	Pero Demîra ke şewat de 3 merdimê aye dinyaya xo bedelnayî û cenazeyê înan bi îmkananê xo ardî kerdî wesayîtan, şewa şewatî qal kerd.

	&nbsp;

	Çîyê ke ameyî ciwîyayîş qal kerd

	&nbsp;

	Peroye dîyar kerd ke şewa şewatî dewa cîrane ya Dêrê de bîyê û vat: “Birayê mi şewat de mendibî. Dayîka tutê birayê mi kîşte mi de bî. Vat lajê aye uca de yo. Ma esparê wesayît bîyî û ma seranser da &nbsp;korne ro ke pêro kes vejîyo teber. Adir resabî Tobinî. Yewî vat şewat tefîyayo, yewî zî vat dewam keno. Ma heta resabî uca adir berz bîbî û her kes dorê adirî de bî. Adir serê ma de ameyîne ma xo eşt erdê pîyanzî. Merdimê ma Abdurrezak Demîr birîndar bibi. Veşabî. 8 tutê ey est ê. Hema birîndar o. Ma berd verê motore. Ma ancî kewtî mîyanê erdî.”

	&nbsp;

	'Semedê xelaskerdişî mîyanê adirî de mend'

	&nbsp;

	Peroye wina dewam kerd: “Cenazeyê ma taxa Tobiniyî de bîyî. Serê herra ma de bî. Yew înan ra biraziyê mi Nurî bî. Ez vazdaya şîya verê ey. Nurî mi ra awe waşt. Vat, ‘ez fetisîna, mirena, heqê xo helal bikerê’. Mi hewl dayîne ke boya xo bigîro. Dima ra vatî, birayê Nurî, Mazhar zî mîyanê adirî de yo. Çend rojî dima do nîşanê Mazhar biameyîne kerdiş. Dima ra vatî birayê to Hasan zî uca de yo. Hasan zî mi dî. Şiwanî şî ke xelas bikerê. 12 kesî uca de veşayî. No dejêk pîl o.”

	&nbsp;

	‘Ambulans bibayîne do nêmerdêne’&nbsp;

	&nbsp;

	Peroye wina qedêna: “Mi lajê birayê xo adirî ra vet. Vat emê canê mi medejne. Ma birîndarî berdî çemê Reşan. Ma kerdî mîyanê awe. Ambulansî zaf erey ameyî. Kesê ke ameyîne dewe ne serûmî, ne zî çîyêk bîn înan reyde estbî. Cenazeyanê ma dayî pûser û bi hîrê wesayîtan berdî nêweşxane. 10 goristanê ma zî têhet ameyî adayîş. Hîn bira bîyî, hîn zî pismam bîyî. Erdogan, ça yo teyareyê şima? Cendermeyan pêro rayîrî padabî, rayîr anêkerdêne. Eke ambulansî uca de nêbîne, do kes nêmerdêne. Key ma înan adira vetî, qisey kerdêne, hişê înan sereyê înan de bî. Resul û Şeyhmus 17 serre bî. Her di zî têhet ameyî definkerdiş. Çermê înan hema wesayîto ke berdî de yo. Ma do êdî esparê ê wesayîtan nêbê. Xêrcê helîkopter do şewat senî bêro tefînayîş. Adir 5 dewan de vila bî. Kes nêame hewarîya ma.”

	&nbsp;

	&nbsp;

	&nbsp;