
Nisêbîn de semedê Kursê Quranî yê 105 odayî şarî ra bexş yeno waştiş 

2024-06-24 09:54:10


	&nbsp;

	&nbsp;

	Oznûr Deger

	&nbsp;

	MÊRDÎN - Nisêbîn de hetê muftîyê qezaye ra bi butçeyêk 70 mîlyonî dest bi viraştişê ‘Kursê Quranî yê Hafizîyê Kênayan’ ame kerdiş. Cayê kursî cayêk ke cayê roniştişî ra dûr yeno viraştiş û seba viraştişê cayê Kursê Quranî muftîyî IBAN pare kerd û bexş waşt.

	&nbsp;

	‘Do neslêk ke xizmet dano welat bêro resnayîş’&nbsp;

	&nbsp;

	Muftiyê Nisêbînî Hasan Yeşîldalî, merasîmê ronayîşê esasê cayê kursî de 23ê Gulane de qisey kerd û îfadeyê ci yê sey ‘No destpêkêk o û dimayê nê do tewr xurt bo’ balkêş bî. Semedê projeyê 70 mîlyon lîra wina vatibi: “No projeyê ma amanc kerd ke ciwanî goreyê ercê dînî û netewî biresê. Ciwanê ke Quranê pîrozî ezber kenê û îlmê dînî bimusê, hetê ahlaqî û manewî de do xurt bê. Sewbîna do neslûk ke komel û welatî rê xizmet bikero bireso.” Muftî bi nê vatişan bale antibi serê polîtîkayê şer û asîmîlyonî.

	&nbsp;

	Nisêbînîjî do tutanê xo nêşirawê uca

	&nbsp;

	Welatijê qeza derheqê kursê ke cayê roniştişî ra dûrî yo de wina vatî: “Do kes tutanê xo nêşirawo. Ma tutanê xo nêşirawenê uca. Tu kes do tutanê xo nêşirawo cayêk wina dûr. Keyeyê her kesî tîya est o. &nbsp;Belkî teber ra tutan bîyarê tîya. Lazimî çîyêk winasî çinbî.”

	&nbsp;

	Muftî semedê kursî pere şarî ra waşt&nbsp;

	&nbsp;

	Heto bîn ra ame zanayîş ke semedê kurso ke di hewte verê bingehê ci ameyo ronayîş, muftî serê hesabê çapemenîya dijîtal û xeylêk bajaran de afîş daliqnayo û IBAN pare kerdo. Semedê viraştişê înşatî şarî ra bi hesabê ‘Komeleya Viraştişê Kursê Quranî û Ciwîyayîşî yê Nisêbînî’ pere waşto.

	&nbsp;

	Projeyê 70 mîlyonî

	&nbsp;

	Goreyê projeyê 65-70 mîyon lîrayê muftî, yew awanîya ke esasê ci ameyo ronayîş, do sey Kursê Quranî bêro şuxilnayîş û awanîya bîn ya verê ci de yena viraştiş zî do sey yurdê wendekaran yê 105 odayî bêro şuxilnayîş.

	&nbsp;