TJAyî ra mesajê sipasîye

2024-06-12 14:57:00


	 

	 

	 

	AMED – TJAyî bi mesajê ke weşana, sipasîya feministê ke paştdayîş dayê têkoşînê hemverê tayinkerdişê qeyûman û vat: "Prosesêk bi nê rengî de ameyîşê têhet sey cinî û pîlkerdişê paştdayîşî, têkoşînê ma yê azadîya cinî de kelecanêk newe zêde kerd. "

	 

	Têgêrayîşê Cinîyê Azade (TJA) seba femînîstê ke Stenbol ra ameyî Amed û Êlih (Batman) û serdayîşê pêgirewtişî kerdî û mesajê sipasîye weşanayî. Mesaj de ame vatiş, "No serdemo ke îradeyê şarî bi tayînkerdişê qeyûman yeno desteserkerdiş, pêvînayîşê bi femînîstan reyde, kîşte yewbînan de hemverê faşîzmî û rejîmê qeyûmî pîya vinderê, xeylêk muhîm o. Hêrişê hemverê komelî bi taybetî şarê kurdî ser û cinîyan ser her ke şino zêde beno."

	 

	'Paştdayîş hêz da'

	 

	Mesaj de nê ameyî vatiş: ”Prosesêk bi nê rengî de têhetameyîşê yewbînan sey cinî û pîlkerdişê paştdayîşê, têkoşînê ma yê azadîya cinî de kelecanêk newe zêde kerd. Embazê ma yê ke bi serran Dewaya Komployê Kobanê de esîr ameyî girewtiş û 16ê Gulane de ameyî veradayîş; seba cinî pîya cuyêka azade, têduştî û bi asayîş awan bikerê û hêvî gane verdê; muhîmîyê birêxistinkerdişê têkoşîn û xoverdayîşê hemverê sîstemê serdestî yê camêrd ame dîyarkerdiş. Ma reyke bîn vanê femînîstê ke ameyî Amed û Êlihê û hemverê hêrişê pîlî û hîra yê îqtîdarê faşîst yê AKP-MHPyî ke temsîlkarîyê camêrdan o, hêz dayî ma û ma reyde bîyî yew. Sîstemê serdestî yê sermayeyî, pêro raşteyê cuye, ancax bi vindertişê serê xeta hempar ê têkoşînî ke hêzêk pîl dayo ma, eşkeno faşîzmî bero. Seba reyke bîn bi qerardarîya hîrakerdişê têkoşînî yê hemverê resnayîşê îqtîdarê camêrdan ê sazbîyaye reyde pêvînayîş bikerê.”