10 serran de 695 tutî cînayetê karî de dinyaya xo bedelnayî

2024-06-11 14:31:45


	 

	 

	 

	STENBOL - Goreyê raporê ÎSÎGî yê derheqê xebitnayîşê tutan ke ameyo amadekerdiş; serra 2013ine nata tewr tay 695 tutî cînayetê karî de merd ê. 

	 

	Meclîsê Weşîye Karkeran û Asayîşê Karî (ÎSÎG) derheqê xebitnayîşê tutan de raporêk vila kerd. Rapor de dayeyê serra 2013ine ra nata est ê. Raporo ke ÎSÎGî serê malperê xo de vila kerde, dîyar kerd ke serra 2013ine ra nata tewr tay 695 tutî cînayetê karî de dinyaya xo bedelnayê. 

	 

	75 tutê karê înşeatî û rayîran de dinyaya xo bedelnayî

	 

	695 tutê ke dinyaya xo bedelnayî, 596 ci ra tutê laj ê û 99 zî tutê kêna yê. Rapor de ame zanayîş ke merdişê tewr zêde Riha de qewimîyayê. Goreyê dayeyê raporî; 383 tutî karê ramitişî û daristanî de merdê, 75 tutî karê înşeatî û rayîran de merdê, 52 tutî karê metalî de merdê, 49 tutî karê mêmanxaneyan de merdê, 24 tutî zî karê zexîreyan de merdê. Sewbîna rapor de ame dîyarkerdiş ke 80 tutî ke dinyaya xo bedelnayê zî tutê multecî bîyê.