Şehba rê hêriş: 2 tutî birîndar bîyî 

2024-05-18 14:49:31


	 

	 

	MERKEZÊ XEBERAN - Netîceyê topvaranê hemverê dewanê Şehbayî de 2 tutî birîndar bîyî. 

	 

	Artêşa tirkan û komê paramîlîterî yê girêdayeyê ci dewanê Til Mediq, Semûqa, Til Cican û Sedayî yê Kantonê Şehbayî dayî topvaranî ver. Goreyê xebera ANHAyî; netîceyê hêrişî de tutê bi nameyê F.X.Î.(13) û M.F.Î. (14) birîndar bîyî. Ame zanayîş ke rewşa F.X.Î giran a.  

	 

	Sewbîna dewanê Toxar û Çatî yê Minbicî zî ameyî bombavarankerdiş. Netîceyê topvaranî de tewr tay 20 topê hewanî erzîyayî dewan.