Roniştişê dewaya Gurbet Ozbey ame taloqkerdiş

2024-05-14 14:37:49


	 

	 

	 

	AMED - Roniştişê dewaya avûkate Gurbet Ozbey ke serê îfadeyê şahidê eşkera Umît Akbiyikî yena muhakemekerdiş, ame taloqkerdiş.

	 

	Roniştişê ewilî yê dewaya ke abûkata Komeleya Huqûqnasê Azadîwaştoxan (OHD) Gurbet Ozbey seba îfadeyê şahidê eşkera Umît Abiyik bi îddîayê "emdamîya rêxistine" yena muhakemekerdiş, ame kerdiş. Roniştiş 5ine Dadgeha Cezaya Giran ya Amedî de ame organîzekerdiş û roniştiş de Gurbete û avûkatê xo Abdullah Zeytun, Mehdî Ozdemîr û Muhlîs Ogurgul amade bîyî. Xeylêk avûkatê OHD û Baroyê Amedî zî roniştiş taqîb kerdî.

	 

	Roniştişê ke bi tespîtkerdişê nasnameyî dest pêkerd de Gurbete pawitişê xo kerd û sûcdarîyê derheqê xo de qebûl nêkerd. Gurbete diyar kerd ke xebatê aye yê meslegî yenê krîmînalîzekerdiş û vat, "Ez beraetê xo wazena."

	 

	Avûkatanê Gurbete ke pawitiş kerdî zî dîyar kerdî ke cipersayîş bê desturê Wezaretê Edaletî ameyo destpêkerdiş û nê semed ra goreyê usulî nîyo. Avûkatan waştişê beraetê Gurbete kerdî. 

	 

	Dadgeha ke qerarê xo yê mabêne eşkera kerd, waşt ke şahid roniştişê bêro de amade bo û roniştiş taloqê 12p Êlule kerd.