Îdarekarîya Xoserî seba Roja Dayîkan mesajêk weşana 

2024-05-13 14:19:13


	 

	 

	MERKEZÊ XEBERAN - Îdarekarîya Xoserîya Demokratîke ya Herêma Vakur û Rojhelatê Sûrîye bi wesîleya Roja Dayîkan mesajêk weşana.

	 

	Îdarekarîya Xoserîya Demokratîke ya Herêma Vakur û Rojhelatê Sûrîye bi wesîleya Roja Dayîkan (13yê Gulane) mesajêk weşana.

	 

	Mesaj de wina ame vatiş: "Şorişê şarê ma çalakîyê tarîxî yê ke seba rayîrgirewtişê vernîya îradeyê komelî amebî peygoşkerdiş û înkarkerdiş, gane kerdî. Qonaxê muhîm û çarenûsî de ma şerêk tarîxî kenê. Na çarçewa de ganî ma dayîkan bîyarê vîr; dayîkî bingehê xurt ê awankerdiş û sazkerdişê keye û komelî yê. Dayîkî bingehê komelê têkoşer ê wayîrê qerar û îrade yê. Dayikî fedakar ê, têkoşerê ke mîras pey xo de verdayî û verdenê. Dayîkî têkoşer ê ke mohrêk xo tarîxê şorişê şarê ma de ronayê."

	 

	Dewamê mesajî de 13ê Gulane (Roşanê Dayîkan) temamê dayîkê Vakur û Rojhelatê Sûrîye û dayîkê cangoriyan û keyeyê înan ameyî pîrozkerdiş. Ame vatiş, "Na roje serkêşîya cinî û rolê înan ê şorişgêrî awankerdiş û azadîya komelî de îfade keno. Na roje beşêk erjêk pîl a. Çiqas dayîkî bêrê xelatkerdiş zî la beramberê keda ke danê de kêm maneno.”