
8ê Adare Sydneyî de bi coş ame pîrozkerdiş

2024-03-11 14:27:15


	&nbsp;

	&nbsp;

	&nbsp;

	MERKEZÊ XEBERAN - Bajarê Sydneyî yê Awûstralyayî de, 8ê Adare bi şahiyêke ame pîrozkerdiş.

	&nbsp;

	Bajarê Sydneyî yê Awûstralyayî de, Merkezê Komelê Demokratîke yê Kurdî (NCDK) de 8ê Adare Roja Cinîyan ê Dinya bi şahîyêke ame pîrozkerdiş. Senatorê verî yê Partiya Keskan Lee Rhîannon û temsîlkarê şarê Tamîlî zî tewrê pîrozbayîya 8ê Adare yê NCDKyî bîyî.

	&nbsp;

	Senatorê verî Lee Rhîannon ard ziwan ke têkoşînê Rayberê PKKyî Abdullah Ocalanî û cinîyê kurdî ke serkêşîya cinîyê dinya rê kenê, semedê înan çimeyêk pîl ê feydegirewtişî yo.

	&nbsp;

	Hemsereka NCDKyî Gulay Alkan dîyar kerd ke azadîya Abdullah Ocalanî eynî wextî de azadîya cinîyan a û dîyar kerd ke heta peynî tecrîd û esîrgirewtişî bêro ardiş zî do têkoşînê xo dewam bikerê.

	&nbsp;

	Endama NCDKyî Ronahî Qendîl zî qiseykerdişêk kilm kerd û dima ra şîîra 'Ez zî cinî ya' a Başak Dersimî wend.

	&nbsp;

	Dima ra hunermend Roj, Dîcle vejîyayî sehne û hunerê xo pêşkêş kerdî.

	&nbsp;

	Girseyê şarî verê deyîranê hunermend Mesût Med peynîya pîrozbayî ardî.

	&nbsp;