
Kuçeyanê Kerkûkî de fotografê cinîyanê serkêşan 

2024-03-09 14:49:38


	&nbsp;

	&nbsp;

	&nbsp;

	MERKEZÊ XEBERAN - Bi wesîleya 8ê Adare, RJAKî fotograf û posterê cinîyanê serkêşan û şorişgêran cayê pêroyî yê bajarê Kerkûkî de daliqna.

	&nbsp;

	Rêxistina Cinîyanê Azadiya Kurdistan (RJAK) bi wesîleya 8ê Adare Roja Cinîyan ê Dinya bajarê Kerkûkî de rêzeçalakîyan organîze kerd. Bi sloganê “Bi Jin Jiyan Azadî ma ver bi şorişê cinîyan ve şênê”, hûmarêke zêde pankart, dovîz, poster û fotografê şehîdê serkêşî seranserê taxe û cayê pêroyî yê merkezê bajarê Kerkûkî de ameyî daliqnayîş.

	&nbsp;

	Posterê cinîyê serkêşan ameyî daliqnayîş

	&nbsp;

	Posterê ke ameyî daliqnayîş ê cinîyê şorişgêrî û serkêşe Sakîne Cansiz, Zelal Zagros (Firyal Silêman Xalid), Nagihan Akarsel û sewbîna xeylêk posterê cinîyê serkêşan estbî. Xêrcê poster û fotografan, dovîz û pankartê ke serê înan de “Şorişê Başûr, şorişê cinîyan o”, “Jin Jiyan Azadî”, “Heta cinî azad nêba, komel azad nêbeno” û “Bi Jin Jiyan Azadî ver bi şorişê cinîyan” taxe û merkezê Kerkûkî ameyî daliqnayîş.

	&nbsp;

	Sewbîna RJAKî bajarê Kerkûkî de bi wesîleya 8ê Adare de xeylêk çalakîyê sey semîner, panel, serdayîşê rêxistinê cinîyan, çalakîkerî, cinîyê kedkarî, wayîrê karî û karkerî kerdî û çend çalakîyê bînî organîze kerdî.

	&nbsp;