
'Ma do bi fikrê şaredarîya şarî têbigêrê’ 

2024-03-08 09:52:21


	&nbsp;

	&nbsp;

	&nbsp;

	Dîlan Babat

	&nbsp;

	ŞIRNEX - Namzeta hemşaredarîye ya Qilabanî Ferîde Endere da zanayîş ke do Qilaban de bedilnayîşêk pîl awan bikerê û vat ke do bi fikrê şaredarîyêke azadîwaştox a şarî û demokratîke têbigêrê.&nbsp;

	&nbsp;

	Qezaya Qilabanî ya Şirnexî 56 kîlometre sînorê ci bi Iraqî reyde est o û rojhelatê ci Çelê yê Colemêrgî, rojawanê ci Şirnex û Sîlopî, Vakurê ci de zî Elkê est o. Başurê ci de zî Heftanîn est o. Her kes qezaya Qilabanî qirkerdişê 28ê Kanûna 2021î yê qetlîamê Roboskî ra zano.&nbsp;

	&nbsp;

	Seba yew adresî hezar û 406 weçînitox ameyî qeydkerdiş&nbsp;

	&nbsp;

	Qilaban nizdîyê sînor o û coka ra her tim tedaya îqtîdarî de ya. 5 serrî yo rayîrberîyê ci destê AKPyî de yo. Şaredarîya AKPyî ke yew xizmet şarî rê nêkena, wazena tîya de ser bikewa û weçînitoxê kaçax tîya de ca kena. Adreso ke verê cû 5 weçînitox tede qeydkerdebî de nika hezar û 406 weçînitoxî est ê.&nbsp;

	&nbsp;

	Namzeda Qilebanî ya DEM Partî Ferîde Endere marê derheqê kar û xebatê xo de ercnayîş kerd.&nbsp;

	&nbsp;

	Ferîde Endere kam a?&nbsp;

	&nbsp;

	Ferîde Endere serra 1977î de Qilaban de yena dinya. 20 serrî yo partîyê sîyasî de bi hawayêkê aktîf xebetîyena. Encumenîya komîsyonê taxe û meclîsî kerda. Di demî hemserekatîya qezaye kerda. Ferîdeya ke bi serran Qilaban de têkoşîn kena, bi tecrubeyê xo bîye namzet.&nbsp;

	&nbsp;

	Qezaya ke çimeyê awe tede est ê de problemê awe est ê&nbsp;

	&nbsp;

	Ferîdeye ard ziwan ke her çend ke çar hetê qezaye de çimeyê awe bibê zî qeza de problemêk pîl ê awe est o û wina vat: “Awe nêşina taxê corine. Yew problemê pîl ê qezaye zî cereyan o. Ma do xîret bikerê ke probleman çareser bikerê. Cinîyê ke hepsê keyeyî ameyî kerdiş, nêeşkenê şêrê cayêk. Derheqê cinîyan de xebatê ma est ê. Seba dayîkê bi tutan cayêk ke şêrê çin o.”&nbsp;

	&nbsp;

	Projeyê şima yê seba Qilabanî çi yê?&nbsp;

	&nbsp;

	Ferîdeye dîyar kerd ke qezaye de wazenê azadîya xo ya ekonomîye bidest bifînê û vat: “Rewşa ke ma şaredarîye qezenc bikerê de ma do cinîyan rê raşteyê îstîhdamî awan bikerê. Ma do atolyeyê tekstîlî awan bikerê. Ma do koperatîfê cinîyan awan bikerê. Ma do her taxa xo aktîf bikerê. Qezaya ma de xeylê cinîyî şîdet vînenê. Bi şikin cuya xo vînî kenê. Seba ke ma vernîya nê çîyî bigîrê ma do dezgehan akerê, heqê cinîyan bipawê, paştîdayîş bidêmcinîyan. Ma do seba ciwanan zî îmkanê karî awan bikerê. Ciwanê ma şinê metropolan. AKP tena merdimanê xo gêno şaredarîyan. Yê ma zî teber de verdeno. Ma do nê sîstemê hetgirî bişiknê. Ma do raşteyê îstîhdamî awan bikerê. Ma do îmkanê wendiş û nuştişî bidê wendekaranê ke nêeşkenê biwanê.”&nbsp;

	&nbsp;

	Ferîdeye qiseykerdişê xo yê peyênan de da zanayîş ke cografyaya ke tede ciwîyenê de bi destê îqtîdarî qirkerdişê ekolojîye yeno kerdiş û vera nê de zî do raşteyê şênayî zêde bikerê. Ferîdeye sewbîna vat ke do cuyêka ekolojîk awan bikerê û bi fikrê şaredarîyêk azadîwaştox a cinîye, demokartîk û şarî têbigêrê.

	&nbsp;

	&nbsp;

	&nbsp;