
Cinîyê çalakîkerî yê Sine do weçînayîşê 12ine yê Îranî boykot bikerê 

2024-02-28 14:34:16


	&nbsp;

	&nbsp;

	&nbsp;

	MERKEZÊ XEBERAN - Çalakîkerê heqê merdiman ê bajarê Sine pê hesnayî ke do weçînayîşê 12ine yê Parlamentoyê Îranî boykot bikerê.&nbsp;

	&nbsp;

	Çalakîkerê cinî yê pawitişê heqanê cinîyan ê bajarê Sine, vizêr bi eşkerayîşêke pê hesnayî ke weçînayîşê 12ine yê Parlamentoyê Îranî do boykot bikerê. Sewbîna venga pêroyê şaranê Îranî kerdî ke 11ê Adare de keyeyê xo de bimanê û weçînayîşî bi no hawa red bikerê û keyeyê xo ra nêvejê.&nbsp;

	&nbsp;

	Eynî eşkerayîye de wina ame vatiş: “Serewedarnayîşê ‘Jin, Jiyan, Azadî’ bedilnayîşêk pîl raşteyê sîyasî yê Îranî de viraşt. Coka ra ma sey cinîyê çalakîkerê Sine nê weçînayîşî qebul nêkenê. Çike sîstemê dewleta Îranî sîstemêk problemin o û mîyanê nê sîstemî de weçînayîş sembolik ê. Ma weçînayîşê sembolîkan nas nêkenê.”

	&nbsp;

	Roja weçînayîşî yê 1ê Adare de ma do bi sloganê ‘Weçînayîşê sindoqan rê û dîktatorîye rê nê’ keyeyê xo ra nêvejê û biqîrê vajê:&nbsp;

	&nbsp;

	“Daliqnayîş rê nê&nbsp;

	&nbsp;

	Tepiştişê ke cîyayeyê fikrê sîyasî vera pê yenê rê nê&nbsp;

	&nbsp;

	Îqtîdarîyê îdeolojîk rê nê&nbsp;

	&nbsp;

	Binpaykerdişê heqanê merdiman rê nê&nbsp;

	&nbsp;

	Cîyayeyê cînsîyetî rê nê&nbsp;

	&nbsp;

	Dûrfînayîşê mamostayê wendiş û unîversîteye rê nê&nbsp;

	&nbsp;

	Pelçiqnayîşê wendekaran rê nê&nbsp;

	&nbsp;

	Pelçiqnayîşê karkeran rê nê&nbsp;

	&nbsp;

	Ma do keyeyê xo de bimanê ke nîşan bidê Têgêrayîşê Azadîya Cinîye ganî yo û aktîf o.”&nbsp;

	&nbsp;

	Ercayeyê vatişî yo ke Partîya Cuya Azade ya Kurdistanî (PJAK) derheqê weçînayîşê 1ê Adare yê Îranî de bi eşkerayîyêke pê hesnabî ke no weçînayîş vera amanc û metodê &nbsp;“Jin, Jiyan û Azadî” de yo û venga her kesî kerdî ke nê weçînayîşan boykot bikerê.

	&nbsp;