Şewat de dayîke û 2 tutê ci dinyaya xo bedelnayî 2024-02-26 14:51:51       EDENE - Kozan de şewat keyeyêk de vejîya û şewat de Zeynep Parlak û tutê aye Sefa û Sezer Parlak dinyaya xo bedelnayî.   Taxa Pekmezcî ya qezaya Kozanî ya Edeneyî de keyeyêk di qatin de şewat vejîya. Kesê ke şewat ferq kerdî, venga îtfaîye û ekîbê weşîye kerdî. Ekîba îtfaîye ke sewqê herême bîyî, şewat kerdî binê kontrolî. Ekîba ke kewte zere dîyî ke pî Mustafa Parlak xeriqyayo. Cinîya ci Zeynebe û lajê ey Sefa û Sezer Parlak dinyaya xo bedelnayî.   Mustafa Parlak ke dûman ra tesîr bibi, dimayê mudaxaleyê ewilî bi ambulanse wedarnayî nêweşxane. Cenazeya dayîke û tutan zî semedê otopsî wedarnayî morg.